BILANGAN 18:2 - BIBEL JAMITA NA DENGGAN

² Oban ma tuson sisolkotmu Marga Levi, anso markarejo rap dohot ho jana mangurupi ho hatiha markarejo ho dohot anakmi di Bandar ParmiananKu.

BILANGAN 18:2 ပူးပေါင်းရင်းမြစ်များ

PAMUNGKAAN 29:34

Denggan ma pamatang ni si Lea mangulahi jana sorang ma sada anaknia halaklahi. Ning ia ma, “Saonnari mur tarihot ma tu au roha ni halaklahingku, angke ma pola tolu anak hutubuhon.” Jadi dibaen ia ma goar ni anaknia i, si Levi.

2 JUJUR TAON 30:16

Marsibuat ingananna be ma halahi mangihutkon hatontuan na adong di Uhum Ni si Musa. Dipasahat halak Levi ma mudar ni angka haul i tu angka malim, lalu diduruskon ma i tu langgatan.

JEHESKIEL 44:11

Anggo di bagasan BagasKu, hum parkarejo dohot panjago ni horbangan do na tola halahi. Tola do halahi dohot manyambol angka pahan-pahanan sibaenon haul situtungon dohot haul na asing jana angkon sai dohot do halahi mangoloi bangso i.

JEHESKIEL 44:15

Didok Tuhan Debata i ma, “Di na nitadingkon ni bangso Israel Au, anggo angka malim Levi na sian pomparan ni si Zadok hot do mangoloi Au di BagasKu. Hara ni i, angkon halahi noma saonnari mangoloi Au dohot na ro tu adopanKu laho manghaulkon tabo-tabo dohot mudar na sian angka haul i.

MALEAKI 2:4

Jadi botoonmunu ma na dung Hulehen parenta on tu hamu anso hot parjanjianKu dohot angka malim pomparan ni Levi, ninna Tuhan Na Markuaso.

BILANGAN 1:53

Tapi anggo halak Levi angkon donok tu Bandar ParmiananKu do bandar ni halahi. Angkon jagoon ni halahi anso ulang adong halak na donok, anso ulang gabe muruk Au gabe Huuhumi halak Israel.”

BILANGAN 16:40

Gabe parningotan di bangso Israel, bahaso asing sian pomparan ni si Harun, sahalak pe nada tola ro tu langgatan laho manutung hamonyan di Tuhan i. Halak na mangalanggar aturan on angkon dibunu songon si Korah dohot donganna. Jadi sudena i dipatulus do i songon na dung diparentahon Tuhan tu si Eleasar marhite si Musa.

BILANGAN 17:7

Dung i dipayakkon si Musa ma sude tungkot i di jolo ni Poti Parjanjian na di bagasan Bandar Parmianan Ni Tuhan.

BILANGAN 18:4

Angkon markarejo halahi rap dohot ho mangkarejohon angka karejo ni halahi na mardomu tu panghobasion di Bandar ParmiananKu, tapi sanga ise na so dilehen hak tusi nada tola markarejo rap dohot ho.

BILANGAN 3:5

Didok Tuhan ma tu si Musa,

BILANGAN 4:15

Muda dapot hatiha mambuka parbandaran i horong ni Marga Kehat angkon ro be ma mamorsan barang-barang na badia i, tapi angkon dung sidung pe ditutupi si Harun dohot angka anaknia barang-barang bope parkokasna i. Angke halak sian Marga Kehat, nada tola dais tu barang-barang na badia i, muda dais halahi angkon mate halahi. Songon i ma karejo ni Marga Kehat muda giot paimbaron ma Bandar Parmianan.

BILANGAN 8:19

songon silehen-lehen sian halak Israel. Jadi Hulehen ma halak Levi i tu si Harun dohot tu anakna, anso tarbaen halak Levi i markarejo gabe malim di halak Israel dohot di bagasan Bandar ParmiananKu. Dung i anso gabe halak Levi i ma mangido ampun sian Au hara ni bangso i, anso ulang hona parmaraan muda madonok tu halahi ro tu Inganan Na Badia i.”

BILANGAN 8:22

Dipatulus halak Israel do sudena na diparentahon ni Tuhan i tu si Musa taringot tu halak Levi. Dung songon i marhak ma halak Levi markarejo di bagasan Bandar Parmianan Ni Tuhan marguru tu pangatur ni si Harun dohot anakna.

IBRANI 9:6

Songon i ma dibaen pangaturna sude. Ganop ari angkon masuk ma angka malim i tu bagasan bilik na parjolo i laho mandalankon karejo ni halahi.