BILANGAN 17:8 - BIBEL JAMITA NA DENGGAN

⁸ Ancogotna i, di na masuk si Musa tu Bandar Parmianan, diida ia tungkot ni si Harun na mangwakili Marga Levi madung martunas. Marbunga tungkot i jana mangerbang bungana, dung i batuna, batu ni katapang na malamun!

BILANGAN 17:8 ပူးပေါင်းရင်းမြစ်များ

PAMUNGKAAN 40:10

Mardangka tolu ma bonana i. Jadi dung martunas angka rantingna i, kombang ma bungana jana malamun ma batuna i.

MASMUR 110:2

Sian Sion pabidangon ni Tuhan ma harajaanmu, markuaso ma ho di tonga-tonga ni angka musumu.

ENDE NA GODANG 2:3

Sian tonga-tonga ni halaklahi, tarsongon bona ni sipanganon di harangan do haholonganki. Jop rohangku marsilaung di toruna i, angka batuna pe antong daina tonggi.

JESAYA 4:2

Ro do hatiha ni i baenon ni Tuhan sandok suan-suanan dohot hayu tubu lalu magodang boti jeges di luat on. Anggo di ari i marmoga-moga ma pangkilaan ni Israel jana godang rohana hara ni suha ni tano i.

JEHESKIEL 17:24

Botoon ni sude bona ni hayu na di luat i ma bahaso Au do Tuhan. Hayu na gincat Hutaba hayu na toruk Hubaen tubu gumincat. Hayu na rata Hubaen maradu hiang; jana hayu na mahiang Hulehen tunas dohot bungana. Au Tuhan, madung mandok hata, sude na Hudok i angkon tarlaksana.”

JEHESKIEL 19:12

Hape diumpat tangan na muruk ia lalu disampakkon tu tano noma. Mangombus ma alogo Habincaran, mambaen malos batuna taran hajegesanna. Masopak dangkana i gabe mahiang lalu nitutungan.

JEHESKIEL 19:14

Jana rarat ma api sian bulung ni hayu anggur i laho manganhon parbatuna, gabe nada adong be dangka na togos jana nada adong be tungkot harajaan. Ende andung-andung do on jana pakeon gabe ende andung-andung tu joloanon.

BILANGAN 16:5

Dung i didok ia ma tu si Korah dohot donganna i, “Ancogot manyogot i patidahonon ni Tuhan ma tu hita sanga ise sian hita na dung mardohonan di Tuhan. Halak na dung mardohonan di Tuhan i, patuduhonon ni Tuhan sandiri do i mandongani Tuhan i di langgatan i.

BILANGAN 17:5

Martunas do muse tungkot ni halak na dung Hupili. Marhite on ma antahonKu holso ni angka jolma na sai torus marungut-ungut mangalo Au.”

BILANGAN 17:9

Dibuat si Musa ma sude tungkot i jana dipatidahon ia tu sude halak Israel. Diida halahi ma na masa i, dung i dibuat angka pamimpin i ma mulak tungkotna be.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.