BILANGAN 17:7 - BIBEL JAMITA NA DENGGAN

⁷ Dung i dipayakkon si Musa ma sude tungkot i di jolo ni Poti Parjanjian na di bagasan Bandar Parmianan Ni Tuhan.

BILANGAN 17:7 ပူးပေါင်းရင်းမြစ်များ

HARURUAR 38:21

Songon on ma bahat ni logam na dipake di bagasan Bandar Parmianan Ni Tuhan, inganan panyimpanan ni batu na dua lembar panyuratan ni Parenta Na Sampulu i. Na ditonahon ni si Musa do anso disuratkon angka halak Levi na niuluhon ni si Itamar anak ni si Harun.

BILANGAN 1:50

Dokkon ma anso halahi markarejo di Bandar ParmiananKu dohot pasingkop parkokasna. Karejo ni halahi, i ma: Mamorsan Bandar ParmiananKi dohot parkokasna lalu markarejo gabe malim jana marbandar humaliangna.

BILANGAN 1:53

Tapi anggo halak Levi angkon donok tu Bandar ParmiananKu do bandar ni halahi. Angkon jagoon ni halahi anso ulang adong halak na donok, anso ulang gabe muruk Au gabe Huuhumi halak Israel.”

BILANGAN 14:10

Sude halahi mangancam giot mandangguri halahi na opat dohot batu lopus mate. Hape tompu ma diida angka jolma i sinondang na silo situtu sian Inganan Ni Tuhan, ruar sian ginjang ni Bandar ParmiananNa i.

BILANGAN 17:4

Oban ma tungkot i tu Bandar ParmiananKu payakkon di jolo ni Poti Parjanjian i. Disi ma inganan parsuoanKu dohot ho.

BILANGAN 17:6

Dipabolkas si Musa ma songon i tu halak Israel. Dung i dilehen ganop pamimpin ni halahi ma sada tungkot tu si Musa, sada tungkot sian ganop marga. Bahatna sude dua bolas, laing disi do tungkot ni si Harun.

BILANGAN 18:2

Oban ma tuson sisolkotmu Marga Levi, anso markarejo rap dohot ho jana mangurupi ho hatiha markarejo ho dohot anakmi di Bandar ParmiananKu.

BILANGAN 9:15

Di hatiha pajongjongkon Bandar Parmianan Ni Tuhan i, di ari i ro ma sada ombun manutupi Bandar Parmianan. Muda borngin tarida ombun i songon api.

BAENON NI ANGKA RASUL 7:44

Bandar Hasaksian adong do di tonga-tonga ni jolma ompunta na di halongonan i. Hombar tu parenta ni Debata tu si Musa do dipature, jana mangihutkon gambaran na nipatidahon ni Debata tu si Musa.