BILANGAN 16:4 - BIBEL JAMITA NA DENGGAN

⁴ Hum dibege si Musa songon i tungkap ma ia tu tano martangiang tu Tuhan.

BILANGAN 16:4 ပူးပေါင်းရင်းမြစ်များ

JEHESKIEL 9:8

Salolot mardalan na manyamboli i, sasada au do disi. Manungkap ma au jana pio-pio, “O Tuhan Debata, songon i ma he murukMu tu Jerusalem jabat do bunuonMu sude halak na adong dope di Israel on?”

BILANGAN 14:5

Gabe dipaunduk si Musa dohot si Harun ma di jolo ni halak na bahat i.

BILANGAN 16:22

Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”

BILANGAN 16:45

“Sumurut ma hamu sian halahi giot bunuonKu halahi di inganan i!” Unduk ma halahi na dua manyomba,

BILANGAN 16:5

Dung i didok ia ma tu si Korah dohot donganna i, “Ancogot manyogot i patidahonon ni Tuhan ma tu hita sanga ise sian hita na dung mardohonan di Tuhan. Halak na dung mardohonan di Tuhan i, patuduhonon ni Tuhan sandiri do i mandongani Tuhan i di langgatan i.

BILANGAN 20:6

Kehe ma si Musa dohot si Harun mandao sian halahi asa jongjong ma halahi donok tu pintu Parmianan Ni Tuhan. Marsomba ma halahi disi, gabe disondangi sinondang ni Tuhan i ma halahi.

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.