BILANGAN 15:9 - BIBEL JAMITA NA DENGGAN

⁹ angkon pasahaton muse tolu kilogram topung dicampur dohot dua kilogram miak zetun gabe haul gandum,

BILANGAN 15:9 ပူးပေါင်းရင်းမြစ်များ

1 JUJUR TAON 21:23

“Ah, dibuat raja i ma da songon i,” ning si Arauna mangalusi, “jana dibaen raja i ma da sanga aha na giot baenon ni raja i. Indon bo lombu baen haul situtungon, tarpake raja i do angka hayu pardegean on baen sobanna. Laing dibuat raja i ma da gandum on baen haul, perei pe hulehen sudena i.”

NEHEMIA 10:33

Paradeonnami ma angka haporluan ibadat di Bagas Ni Tuhan, i ma: Roti na badia, haul gandum siganop ari, pahan-pahanan baen haul hasesaan ni dosa ni Israel dohot sude sanga aha na porlu di Bagas Ni Tuhan.

JEHESKIEL 42:13

Didok bayo i ma tu au, “Na badia do bangunan na dua i. Disi ma angka malim bolas mangadop tu haroroan ni Tuhan, mangankon angka haul na sun badia. Angkon disi muse ma payakkonon ni halahi angka haul na sun badia i, i ma: Haul gandum dohot haul panyesa ni dosa sanga haul panobus ni hasalaan.

JEHESKIEL 46:11

Di angka ari pesta dohot parayaan, rap dohot sada lombu jantan dohot sada biri-biri jantan angkon haulkonon do 17,5 liter gandum, jana rap dohot ganop anak ni biri-biri laing haulkonon do gandum i sanga sadia bahat giot ni halakna na marsomba i. Ganop haul gandum angkon ihut do dohot na manghaulkon tolu liter miak zetun.

JEHESKIEL 46:15

Ganop manyogot angkon torus do sapanjangna haulkonon di Tuhan: Sada anak ni biri-biri, haul gandum dohot miak zetun.”

JEHESKIEL 46:5

Rap dohot lombu jantan i angkon haulkononnia muse 17,5 liter haul gandum rap dohot sada be anak ni biri-biri i, angkon haulkononnia muse haul gandum sanga sadia bahat giotnia. Ganop dibaen haul gandum i angkon ihut do dihaulkon tolu liter miak zetun.

JEHESKIEL 46:7

Rap dohot lombu i sada dohot hambeng jantan i, angkon haulkononnia gandum bahatna 17,5 liter, jana rap dohot ganop anak ni biri-biri i angkon haulkononnia sanga sadia bahat giotnia. Ganop haul gandum i angkon dohot do donganna tolu liter miak zetun.

JOEL 1:9

Ma pola abis gandum dohot anggur sudena nada adong be sihaulkonon di Bagas Ni Tuhan. Gabe marsak ma angka malim, dibaen nada adong be haul di Tuhan.

JOEL 2:14

Betak na muba do tehe roha ni Tuhan Debatamu, jana marlobi-lobi pasupasuNa di hamu. Gabe tarbaen hamu manghaulkon tu Tuhan, haul anggur dohot gandum.

HAMALIMON 14:10

Di ari pasalapankon angkon obanon ni halahi ma dua anak ni biri-biri jantan, sada anak ni biri-biri boru-boru marumur sataon na so martihas, tolu kilogram topung na dung marcampur dohot miak zetun dohot sapartolu liter miak zetun.

HAMALIMON 6:14

Songon on ma angka aturan taringot tu haul gandum di Tuhan. Sahalak malim sian pomparan ni si Harun angkon maroban tu jolo ni langgatan.

HAMALIMON 7:37

Songon i ma angka aturan taringot tu haul situtungon, haul gandum, haul hasesaan ni dosa, haul partobus ni hasalaan, haul mangojakkon dohot haul haluaan.

BILANGAN 15:10

rap dohot dua liter aek ni anggur. Uap ni angka haul i pajopkon roha ni Tuhan.

BILANGAN 15:8

Muda lombu jantan do na nihaulkon i gabe haul situtungon sanga haul manggarar niet sanga haul haluaan pe,

BILANGAN 28:12

Na gabe haul gandum angkon dilehen topung na dicampur dohot miak zetun; ganop sada lombu jantan tolu kilogram topung, dua kilogram topung tu biri-biri jantan,

BILANGAN 28:14

Di haul aek ni anggur angkon lehenon rap dohot haul situtungon i, na hasaya tusi: dua liter aek ni anggur ganop tu lombu jantan, sada satonga liter tu biri-biri jantan jana saliter tu ganop anak ni biri-biri. I ma aturan taringot tu haul situtungon na angkon lehenon di tanggal sada ganop bulan jana angkon baenon ganop taon.

BILANGAN 29:6

Angka haul on ma na gabe tamba-tamba tu haul situtungon na dilehen rap dohot haul gandumna, di tanggal sada ganop bulan. Laing gabe tamba-tamba do i tu haul situtungon siganop ari na dilehen rap dohot haul gandum dohot haul aek ni anggurna. Uap ni angka haul sipanganon i pajopkon roha ni Tuhan.”

1 SAMUEL 1:24

Dung mantak managuk si Samuel, ditaruhon inangnia ma ia tu Bagas Ni Tuhan di Silo, haru pe laing menek sajo dope ia. Dioban si Hanna muse ma sada lombu jantan na marumur tolu taon, topung sakaleng dohot sada kantongan na gok marisi anggur.