BILANGAN 15:3 - BIBEL JAMITA NA DENGGAN

³ Tu haul situtungon sanga haul manggarar niet, sanga haul sian jop ni roha sanga pe angka haul di ari pesta ni ugamo na somal, tola do dihaulkon halahi tu Tuhan angka on: sada lombu jantan, sada biri-biri jantan, sada biri-biri sanga sada hambeng. Uap ni haul sipanganon i pajopkon roha ni Tuhan.

BILANGAN 15:3 ပူးပေါင်းရင်းမြစ်များ

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

ESRA 7:17

Pake ma hepeng i sadenggan-dengganna laho manobusi lombu jantan, angka biri-biri jantan, anak ni biri-biri, gandum dohot anggur. Haulkon ma sudena i di ginjang ni langgatan ni Bagas Ni Tuhan na di Jerusalem.

MASMUR 54:6

Mardongan jop ni roha huhaulkon haul di Ho, jana mandok tarimakasi tu Ho, angke denggan do rohaMu ale Tuhan.

HARURUAR 29:18

Tutung ma sude biri-biri jantan i di ginjang ni langgatan i gabe haul na nitutung. Uap ni haul on ma na pasonang Au.

HARURUAR 29:25

Jadi buat ma roti i sian halahi lalu tutung ma di ginjang ni langgatan i, di ginjang ni haul situtungon sinangkinan gabe haul panganon di Au. Uap ni haul on ma na pasonang rohangKu.

HARURUAR 29:41

Anak ni biri-biri na paduahon i nihaulkon ma i andospotang rap dohot sakilo topung, saliter miak zetun dohot saliter anggur. On ma na gabe haul panganon di Au, Tuhan jana uapna i ma na pasonang rohangKu.

HAMALIMON 10:13

Pangan ma roti i di sada inganan na badia, i ma bagianmu Harun dohot angka anakmu halaklahi sian sipanganon na dung dipasahat tu Tuhan i. I do parenta ni Tuhan i tu au.

HAMALIMON 27:2

deba nari paraturan tu halak Israel, “Muda dilehen sada halak tu Tuhan i panggarar ni niet na mardohonan, tola do gararon ni halahi dohot hepeng, songon on pangalahona.

HAMALIMON 7:16

Muda adong sahalak na maroban haul haluaan laho patulus baga-bagana, sanga haul na nionjar ni rohana nada pola angkon sude panganon sadari i. Angka na lobi tola do panganon ancogotna i.

BILANGAN 28:27

Lehen hamu ma haul situtungon, uapna i pajopkon roha ni Tuhan, i ma dua lombu jantan sada biri-biri jantan dung i pitu anak ni biri-biri jantan na marumur sataon jana na so martihas.

BILANGAN 29:8

Haulkon hamu ma haul situtungon tu Tuhan, i ma: sada lombu jantan, sada biri-biri jantan jana pitu anak ni biri-biri jantan na marumur sataon, sudena i na so martihas. Uap ni haul i do pajop roha ni Tuhan.

BILANGAN 6:15

Ia sandiri angkon mangalehen roti sabakul na nipauli so marragi, i ma roti na hibul na nibaen sian topung na marcampur miak zetun dohot kue na nipis na dung niapusan dohot miak zetun. Tamba ni i angkon lehenonnia dope gandum dohot aek ni anggur.

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

2 KORINTUS 2:15

Dibaen songon uap na huskus ni Kristus do hami adop Debata di tonga-tonga ni angka na dapotan haluaan, bope di tonga-tonga ni angka na giot kehe tu hamagoan i.

2 KORINTUS 2:16

Anggo di halak na giot kehe tu hamagoan, sarupa tu uap ni bangke na mamatehon do hami; tapi anggo di angka na nipalua, songon uap na maroban tu hangoluan do hami. Antong, ise ma na tama tu karejo on?

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

PANGARATAION 12:17

Nada tola sanga na aha pe panganonmunu di bagas ingananmunu sian sude na nihaulkonmunu tu Tuhan: Haul parsampuluan sian gandummunu, anggurmunu, miak zetunmunu, lombu sanga biri-birimunu na parjolo sorang, haul panggarar ni haulmunu, haul sian na nionjar ni rohamunu, sanga hasil na asing pe.

PANGARATAION 12:6

Angkon tu inganan i ma obanonmunu angka haul situtungon dohot angka haul na asing, haul parsampuluan maradu angka haul na asing, haul panggarar ni haulmu haul sian na nionjar ni rohamunu dohot lombu sanga biri-biri na parjolo sorang.

PILIPPI 4:18

Madung hujagit sasudena – dohonon marlobi-lobi dope! Sude silehen-lehen na nitongosmunu i tu au, madung hujagit sian si Epafroditus. Saonnari madung tuk di au sanga aha haporluanku. Songon uap na huskus na sian haul na nihaulkon tu Debata jana na nihalomohon ni roha ni Debata, songon i do angka silehen-lehenmunu i.