BILANGAN 14:9 - BIBEL JAMITA NA DENGGAN

⁹ Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”

BILANGAN 14:9 ပူးပေါင်းရင်းမြစ်များ

PAMUNGKAAN 48:21

Jadi didok si Jakob ma tu si Josep, “Songon na niidamu, donok noma da ajalku; tapi laing donganan ni Debata do hamu jana obanonNa mulak tu luat ni ompungmunu.

2 JUJUR TAON 13:12

Debata sandiri do anggo pamimpinnami jana dison do angka malimNia. Ma pola rade halahi laho mangombus sarune songon tandana di hami laho mamorangi hamu. O, hamu halak Israel, ulang alo hamu Tuhan, Debata ni ompumunu! Nada bolas monang hamu!”

2 JUJUR TAON 15:2

jadi gabe kehe ma ia mandapotkon Raja Asa, jana didok ia ma, “Ale Raja Asa, dohot sude halak na maringanan di Juda dohot Benyamin! Tangihon ma! Donok do Tuhan tu hamu muda donok hamu tuSia. Muda mangido panogu-noguon hamu tuSia, lehenonNia ma i. Tapi muda nada parduli hamu diSia, Ia pe nada parduli di hamu.

2 JUJUR TAON 20:17

Nada pola porlu hamu martempur di porang on. Jongjong sajo ma hamu songon i di inganan ni parkarejoanmunu jana painte hamu ma disi. Idaonmunu ma Tuhan mangalehen hamonangan di hamu. O hamu halak Juda dohot Jerusalem, ulang hamu gamang sanga na mabiar. Masuhi hamu sajo ma songon i parporangan i, tolongon ni Tuhan do hamu!”

2 JUJUR TAON 32:8

Gogo ni jolma do na adong disia, tapi anggo hita adong do Tuhan Debatanta laho mangurupi jana marporang humopkop hita.” Umbege hata ni raja ni halahi i, gabe barani ma rayat i.

NEHEMIA 4:14

Di na huida mabiar rayat i, hudok ma tu halahi dohot tu angka hatobangon maradu tu angka pamimpin, “Ulang hamu mabiar mida musu! Tuhan na gogo jana na markuaso i ma ingot hamu, jana parjuangkon hamu ma angka kahanggimunu, angka dakdanak, dongan saripe dohot bagasmunu!”

MASMUR 106:24

Gabe ditulak halahi do tano na jeges hara ni na so porsaya di janjiMu, ale Debata.

MASMUR 121:5

Jagohonon ni Tuhan do ho, sai di lambungmu do Ia laho mangondihon ho.

MASMUR 14:4

Didok Tuhan, “Na so diboto angka na jahat i do na disamun halahi bangsongKu jana nada jungada halahi martangiang tu Au?”

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

MASMUR 46:8

Tole bo, ligi ma na nikarejohon ni Tuhan; hahomangan ma da karejo ni tanganNia di tano on!

MASMUR 74:14

Diropuki Ho angka ulu ni Lewiatan dibaen Ho do i gabe soroan ni binatang harangan.

MASMUR 91:1

Sanga ise na marlinggom tu Na Gumincat i, jana maringanan di bagasan pangondian ni Na Markuaso i,

HARURUAR 14:13

Dialusi si Musa ma, “Ulang hamu mabiar! Martahan ma hamu, idaonmunu ma sanga aha sibaenon ni Tuhan laho paluahon hamu sadari on; nada idaonmunu be halak Mesir i.

HARURUAR 33:16

Sian dia ma antong parbinotona bahaso na lomo rohaMu di bangsoMon dohot tu au anggo na so dongananMu hami? Nada he hara ni na rap do Ho dohot hami umbaen na markoti bangsoMi sian angka bangso na asing di tano on?”

JESAYA 1:2

Didok Tuhan ma, “O, langit dohot tano tangihon ma na Hudok! Angka dakdanak na Hupature-ture mangalo do tu Au.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

JEREMIA 1:19

Porangon ni halahi ma ho, tapi nada tartaluhonsa, angke dongananKu do ho laho mangondihon ho, songon i ma hata ni Tuhan.”

JEREMIA 42:11

Ulang be mabiar hamu tu raja ni Babel i. Di tonga-tongamunu do Au laho paluahon hamu sian kuaso ni tangannia.

JEREMIA 48:45

Angka bagian pangungsi na so margogo be, kehe ma tu Hesbon manjalahi parlindungan, tu kota na jungada diparenta Raja Sihon. Hape topet do gor kota i. Ma pola dipangan api i lalu tu batas dohot tu partoran Moab, i ma luat ni halak na tagi marporang.

DANIEL 9:5

Madung mardosa hami, madung mambaen na jahat hami, boti mambaen hasalaan. Hami tinggalkon do parentaMu jana manyimbil do hami sian angka aturanMu.

DANIEL 9:9

Gok di Ho hasesaan ni dosa dohot asi ni roha haru pe madung mangalo hami tu Ho.

BILANGAN 13:30

Tapi dipasonang si Kaleb ma roha ni na marungut-ungut tu si Musa. Ninna si Kaleb, “Angkon kehe do hita mambuat jana mangarampas luat i laing saonnari, angke tuk do gogonta mangalo halahi.”

BILANGAN 17:6

Dipabolkas si Musa ma songon i tu halak Israel. Dung i dilehen ganop pamimpin ni halahi ma sada tungkot tu si Musa, sada tungkot sian ganop marga. Bahatna sude dua bolas, laing disi do tungkot ni si Harun.

BILANGAN 20:2

Di inganan parbandaran ni halahi i, nada adong aek, dung i dirongomi halak na bahat i ma si Musa dohot si Harun

BILANGAN 24:8

Sian Mesir dioban Debata halahi ruar, marporang halahi songon lombu na riar. Musu ni halahi sude dibondut, holi-holina pe diropuk, sior ni halahi pe digepu-gepu.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

PANGARATAION 1:21

Ligi ma, indu ma di adu tano na nilehen ni Tuhan Debatamu tu ho. Kehe ma hamu mangingani tano i songon na niparentahon ni Tuhan, i ma Debata na nisomba ni ompumu. Ulang mabiar rohamunu sanga mandele.’

PANGARATAION 1:26

Hape dialo hamu do parenta ni Tuhan Debatamunu i jana nada ra hamu mamasuhi luat i.

PANGARATAION 1:29

Tapi hudok do, ‘Ulang mabiar hamu tu angka jolma i.

PANGARATAION 31:6

Togu ma rohamunu jana barani! Ulang mabiar hamu mida halahi! Debatamunu i, Tuhan sandiri ma mandongani hamu. Nada pailaon sanga tadingkononNia hamu.”

PANGARATAION 31:8

Tuhan sandiri do na giot manogu dohot mandongani ho. Nada pailaon sanga tadingkononNia ho. Antong, ulang ho mabiar sanga hurang togu rohamu.”

PANGARATAION 32:42

Margulu podangKu sap mudar ni halahi hona bunu ni podangKu sude na mangalo i. Nada paluaonKu hosa ni alo-alongki mate muse do na margasa dohot na tartaban i.

PANGARATAION 7:18

Ulang mabiar hamu tu halahi; ingot hamu na sanga aha na dung dibaen Tuhan Debatamunu tu raja ni Mesir dohot sude rayatna i.

PANGARATAION 7:21

Jadi ulang hamu mabiar tu angka bangso i. Tuhan Debatamunu rap dohot hamu. Debata na tongam do Ia; sai habiari hamu ma Ia.

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.

PILIPPI 1:27

Antong parangehon hamu ma parange na tama tu Jamita Na Denggan na sian Kristus, anso muda ro au mangaligi hamu, sanga sian na dao hubege taringot tu hamu, bahaso na togu do hamu jongjong di bagasan sada tondi jana saroha laho marporang humopkop haporsayaan di Jamita Na Denggan i.

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

JOSUA 14:12

Antong, saonnari lehen ma luat na mardolok-dolok na dijanjihon ni Tuhan i tu au di hatiha na mulak au mangalehen barita dohot angka halak na rap dohot au i. Di hatiha i hami paboa do tu ho, bahaso na adong disi bangso raksasa na margoar bangso Enak i. Maringanan di angka kota na godang-godang jana na martembok do halahi. Betak na donganan ni Tuhan do au, gabe bolas usironku halahi morot songon na nidok ni Tuhan i.”

HAKIM-HAKIM 1:22

Kehe ma Marga Efraim dohot Manase pomparan ni si Josep mamorangi kota Betel jana diurupi Tuhan do halahi.