BILANGAN 14:2 - BIBEL JAMITA NA DENGGAN

² Marungut-ungut ma halahi tu si Musa dohot tu si Harun. Ninna halahi ma, “Dumenggan ma mate hian hita di Mesir sanga pe di parhorsihan on.

BILANGAN 14:2 ပူးပေါင်းရင်းမြစ်များ

1 RAJA-RAJA 19:4

jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”

JOB 3:11

Biasi so mate di bortian ni dainang au? Sanga mate mardongan tubu-tubungku?

MASMUR 106:24

Gabe ditulak halahi do tano na jeges hara ni na so porsaya di janjiMu, ale Debata.

MASMUR 106:25

Marungut-ungut halahi di bagasan undung-undung nada ra be manangihon na nidokMu.

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

HARURUAR 14:11

Ninna halahi ma tu si Musa, “Aha do na nibaenmu tu hami? Na so adong dehe lakna kuburan di tano Mesir? Angkon obanonmu ma he hami, anso mate di inganan on? Ligi ma, patunda ni na niobanmon hami ruar sian Mesir!

HARURUAR 15:24

Gabe mungut-ungut ma halahi tu si Musa, marsapa, “Aha noma inumonta?”

HARURUAR 17:3

Tapi sun do nguas ni angka jolma i jana sai torus do halahi marungut-ungut tu si Musa. Ninna halahi ma, “Biasi dioban ho hami haruar sian Mesir? Giot padiaronmu ma hami, dohot angka dakdanaknami maradu pahan-pahanannami mate manguas?”

JUNUS 4:3

Saonnari ale Tuhan, padiar ma mate au, angke gumonan noma au mate ulang pado mangolu.”

JUNUS 4:8

Dung bincar mataniari, diparo Debata ma alogo na milas na mangombus sian Habincaran. Giot tarkatos ma si Junus hara ni pandoit ni mataniari i songon dia na manutung ulunia. Gabe mandele ma ia jana por rohania sugari mate. Ning ia ma, “Gumonan noma da iba mate ulang pado mangolu!”

BILANGAN 11:1

Dung i mamungka ma sai marungut-ungut bangso i tu Tuhan hara ni angka na hurang di halahi. Dung dibege Tuhan i ungut-ungut ni halahi, gabe muruk ma Tuhan, diparo Ia ma api tu halahi. Rarat ma api i ditonga-tonga ni halahi, pola tehe puntung deba parbandaran i.

BILANGAN 11:15

Muda laing songon i do baenonMu Tuhan tu au, ibo ma rohaMu, gonan ma au bunu anso ulang hutaon be parkancitan na niampehonMon tu au.”

BILANGAN 11:5

Di tano Mesir sagogoniba mangan ihan so pola manobusi. Atehe, taingot ma ancimun, harimboja, bawang prei, bawang mera dohot bawang putih na tapangan i disi.

BILANGAN 14:1

Sasaborngin tumatangis halak Israel hara ni na mabiar.

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.

BILANGAN 16:13

Madung tuk ho maroban hami haruar sian Mesir na napu i laho mamunu hami di parhorsihan on. Saonnari ho muse dope markuaso tu hami?

BILANGAN 16:41

Ancogotna i, marungut-ungut ma sude halahi tu si Musa dohot tu si Harun. Ninna halahi ma, “Madung dibunu hamu deba sian halak ni Tuhan i.”

BILANGAN 17:6

Dipabolkas si Musa ma songon i tu halak Israel. Dung i dilehen ganop pamimpin ni halahi ma sada tungkot tu si Musa, sada tungkot sian ganop marga. Bahatna sude dua bolas, laing disi do tungkot ni si Harun.

BILANGAN 20:2

Di inganan parbandaran ni halahi i, nada adong aek, dung i dirongomi halak na bahat i ma si Musa dohot si Harun

BILANGAN 20:3

lalu marungut-ungut, “Dengganna i antong sugari mate hami di jolo ni Bandar Parmianan Ni Tuhan, rap dohot dongannami sabangso.

BILANGAN 20:4

Biasi obanonmu hami tu parhorsihan on? Adong he, anso mate dison hami rap dohot pahan-pahanannami i?

BILANGAN 21:5

gabe marungut-ungut ma halahi tu Debata dohot tu si Musa. Ninna halahi ma, “Biasi obanonmu hami haruar sian Mesir, anso bunuonmu hami di parhorsihan on, so adong panganon dison, aek pe nada adong. Gialan hami hara ni panganon na so mardai on!”

1 KORINTUS 10:10

Ulang ma hamu mungut-ungut songon na nikarejohon ni na deba sian halahi, gabe mago ma halahi dibaen sipangago i.

PANGARATAION 1:27

Mungut-ungut do hamu sama hamu songon on, ‘Goyak do roha ni Tuhan tu hita. Dioban Ia pe hita ruar sian Mesir anso hum pasahatkon hita do tu bagasan tangan ni halak Amori i anso dibunu halahi hita.

PANGARATAION 9:23

Dung i di na nisuru ni Tuhan hamu mardalan sian Kades-Barnea, jana diparentahon mardalan dohot mamorangi tano na giot silehenon ni Tuhan tu hamu, mangalo do hamu tu Tuhan, nada ra hamu porsaya sanga mangoloi tuSia.

IBRANI 3:16

Antong, ise dehe halakna i, na umbege sora ni Debata, gabe mangalo halahi tuSia? Nada he sudena halak na niuluhon ni si Musa i haruar sian Mesir?

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.