BILANGAN 13:2 - BIBEL JAMITA NA DENGGAN

² “Sian angka pamimpin di bagasan na dua bolas marga i, pili ma sahalak sian ganop marga. Dokkon ma halahi gabe mata-mata na kehe paresohon tano Kanaan, na giot lehenonKu di halak Israel.”

BILANGAN 13:2 ပူးပေါင်းရင်းမြစ်များ

HARURUAR 18:25

dipili ia ma halak na malo marroha sian bangso Israel. Ditontuhon ia ma sian halahi na gabe pamimpin ni na saribu halak, deba tu saratus halak, deba tu lima pulu halak, jana adong tu na sampulu halak.

BILANGAN 1:4

Sian ganop marga pangido ma sahalak gabe kapala ni marga i laho mangurupi hamu.”

BILANGAN 11:16

Dung i ninna Tuhan ma tu si Musa, “Palagut ma pitu pulu halak na diparsangapi jana na tarakui gabe pamimpin ni bangso on. Oban ma halahi tu Au tu Bandar ParmiananKu dung i suru ma sabola ho jongjong halahi.

BILANGAN 13:16

Angka on ma mata-mata na nisuru ni si Musa patangkaskon taringot tu luat i. Hosea anak ni si Nun, digonti si Musa goarna gabe si Josua.

BILANGAN 13:3

Di patulus si Musa ma parenta ni Debata, sian Parhorsihan Paran i ditongos ia angka na gabe mata-mata, i ma pamimpin na nidok dison: MARGA PAMIMPINNA Ruben Samua anak ni si Zakur Simeon Safat anak ni si Hori Juda Kaleb anak ni si Jefunne Isakar Jigal anak ni si Josep Efraim Hosea anak ni si Nun Benyamin Palti anak ni si Rafu Zebulon Gaddiel anak ni si Sodi Manase Gadi anak ni si Susi Dan Amiel anak ni si Gemali Aser Setur anak ni si Mikael Naftali Nahbi anak ni si Wofsi Gad Gauel anak ni si Maki

BILANGAN 32:8

Madung dibaen angka amamunu na songon i, dompak na husuru halahi sian Kades-Barnea paresohon luat i.

BILANGAN 34:18

Laing todo muse ma sahalak sian ganop marga na gabe pamimpin mangurupi si Eleasar dohot si Josua mambagi-bagihon tano i.”

PANGARATAION 1:15

Jadi gabe hubuat ma angka pamimpin na marbisuk jana na marpangalaman na nipilimunu i sian tonga-tonga ni margamunu, jana huangkat halahi laho mamimpin hamu. Deba ma i dibaen gabe pamimpin ni saribu halak, na asing dibaen pamimpin ni saratus halak, adong ma na nibaen gabe pamimpin ni lima pulu jana adong dibaen gabe pamimpin ni sampulu halak. Huangkat muse dope angka pamimpin na asing na gabe kapala ni angka marga-margamunu.’

PANGARATAION 9:23

Dung i di na nisuru ni Tuhan hamu mardalan sian Kades-Barnea, jana diparentahon mardalan dohot mamorangi tano na giot silehenon ni Tuhan tu hamu, mangalo do hamu tu Tuhan, nada ra hamu porsaya sanga mangoloi tuSia.

JOSUA 3:12

Antong todo hamu ma saonnari dua bolas halak – sada halak sian ganop marga ni Israel.