BILANGAN 11:8 - BIBEL JAMITA NA DENGGAN

^8-9 Muda borngin madabu ma manna i rap dohot ombun i di parbandaran i. Manyogotna i marroan ma halahi marhaliang laho palagutkonsa, dung i digiling sanga diduda halahi ma i baen topung, dung i dimasak halahi ma gabe roti na hembang. Daina songon dai ni roti na nipanggang dohot miak zetun.

BILANGAN 11:8 ပူးပေါင်းရင်းမြစ်များ

PAMUNGKAAN 25:29

Sanoli hatiha mangalompa kacang na rara si Jakob baen ingkayu, ro ma da si Esau sian parburuan. Ma male sajo ia.

HARURUAR 16:23

Gabe didok si Musa ma tu halahi, “Madung ditontuhon Tuhan, ancogot i ma ari na badia laho maradian, ari na nihaulkon tu Tuhan. Sanga aha na giot tutungonmunu sadari on, tutung hamu ma. Lobina i dipaasing jana disimpan ma i tu ancogot.”

HARURUAR 16:31

Dung i digoari halak Israel ma panganon i “manna”. Pangalahona songon parbatu na menek, tompana bontar, daina songon roti mardongan aer ni loba.

BILANGAN 11:7

Tompa ni manna i songon batu ni hayu na menek, rupana bontar gorsing.

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

JOHANNES 6:31

Anggo angka ompunami mangan manna do di halongonan, songon na adong tarsurat, ‘Dilehen Ia do di halahi sipanganon na sian banua ginjang.’ ”