BILANGAN 11:2 - BIBEL JAMITA NA DENGGAN

² Gogo ma sora ni halahi pio-pio mangido pangurupion sian si Musa. Dung i martangiang ma si Musa tu Tuhan, gabe mintop ma api i.

BILANGAN 11:2 ပူးပေါင်းရင်းမြစ်များ

MASMUR 106:23

Hara ni i gabe tubu di rohaMu laho mangabisi bangsoMi, tapi diambati si Musa, halak na nitodoMi. Ia gabe panonga-nongai di halahi gabe mombun antong rimasMi.

HARURUAR 10:18

Ditinggalkon si Musa ma Raja Parao laho martangiang tu Tuhan.

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

JESAYA 37:4

Madung disuru raja Asur pangarajai inumonnia laho pabilehon Debata na mangolu i. Nada binoto betak na dung ditangihon Tuhan Debata do hata na pabilehon i, jana giot uhumanNia halahi na mandokkon i. Hara ni i, martangiang ma ho tu Debata manangiangkon angka halak hita na mangolu i dope.”

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 37:3

Disuru si Zedekia ma si Jukal anak ni si Selemia, dohot Malim Zefanya anak ni si Maaseya mangidohon anso martangiang au tu Tuhan Debata salaho tu haporluan ni bangso i.

JEREMIA 42:2

mandok tu au, “Na pasahatkon pangidoannami do hami tu ho! Tangiangkon ma hami tu Tuhan Debatamu. Tangiangkon ma hami na tading on. Bahat hian do hami nian; tapi saonnari hum saotik noma hami na tading, torang songon na niidamu.

BILANGAN 12:11

Didok ia ma tu si Musa, “Urupi hami tuan, ulang paloas hami diparkanciti hara ni dosa na hami baen di bagasan haotoonnami.

BILANGAN 12:13

Dung i dipangido si Musa ma tu Tuhan i, “Ale Debata, pamalum ma ia.”

BILANGAN 21:7

Jadi ro ma halak Israel manopot si Musa, ninna ma, “Madung mardosa hami hara ni ungut-ungutnami tu Tuhan dohot tu ho. Pangido ma saonnari tu Tuhan anso dipadao ulok on sian hami.” Jadi ditangiangkon si Musa ma bangso i.

BAENON NI ANGKA RASUL 8:24

Dung i didok si Simon ma tu si Petrus dohot si Johannes, “Tolong ma jolo tangiangkon hamu au tu Tuhan anso ulang tulus tarjadi tu au sanga aha na nidokmunu i.”

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.