BILANGAN 11:18 - BIBEL JAMITA NA DENGGAN

¹⁸ Pabolkas ma saonnari tu bangso i, ‘Paias hamu ma dirimunu ancogot, anso mangan juhut hamu. Madung dibege Tuhan partangisan dohot ungut-ungutmunu, na malungun hamu mangan juhut, jana na dumenggan dihilala hamu ngolumunu tingki di Mesir. Saonnari lehenon ni Tuhan ma juhut di hamu, jana angkon panganonmunu i.

BILANGAN 11:18 ပူးပေါင်းရင်းမြစ်များ

PAMUNGKAAN 35:2

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

JOB 20:23

Dompak hataboanna ia mangan minum, disi ma gurgur muruk ni Debata tusia manguhum.

MASMUR 78:20

Tutu do nian dipotuk Ia batu na koras, gabe mardalan aek na doras. Tapi margogo ma he Ia pasingkop roti dohot mangalehen juhut dison tu bangso i?”

HARURUAR 16:8

Dung i ninna si Musa ma, “Lehenon ni Tuhan ma di hamu juhut panganonmunu di potang ni ari, dohot roti sanga sadia giotmunu manyogot, angke madung dibege Tuhan ungut-ungutmunu tuSia. Muda marungut-ungut hamu tu hami, satutuna tu Tuhan do hamu na marungut-ungut i.”

HARURUAR 19:10

jana didok Tuhan ma tusia, “Kehe ma ho manopotkon halahi jana suru ma halahi marhobas sadari on dohot ancogot laho maribadat. Angkon basuon ni halahi do pakeanna be.

HARURUAR 19:15

Jana didok si Musa ma tu halahi, “Angkon hobas do hamu haduan jana ulang hamu marcampur sahatiha on.”

HARURUAR 19:22

Salang angka malim na giot mandonohi Au pe, angkon paiasonna do dirina; anggo nada songon i, hona uhum do halahi.”

BILANGAN 11:1

Dung i mamungka ma sai marungut-ungut bangso i tu Tuhan hara ni angka na hurang di halahi. Dung dibege Tuhan i ungut-ungut ni halahi, gabe muruk ma Tuhan, diparo Ia ma api tu halahi. Rarat ma api i ditonga-tonga ni halahi, pola tehe puntung deba parbandaran i.

BILANGAN 11:19

Panganonmunu ma juhut i nada hum sada sanga dua ari sanga lima sanga sampulu sanga pe dua pulu ari.

BAENON NI ANGKA RASUL 7:39

Hape haru songon i pe, laing nada ra angka ompunta i mangoloi ia. Ditulak halahi do ia jana giot mulak halahi tu Mesir mangulahi.

JOSUA 7:13

Saonnari jongjong ma ho Josua! Paias ma halak Israel jana suru ma halahi hobas laho mangadop tu Au. Parentahon ma halahi anso markobas-hobas ancogot, harana Au Tuhan Debata ni Israel, giot mandok tu halahi songon on: ‘O hamu angka halak Israel! Angka barang-barang na dung Huparentahon tu hamu angkon dironcohon, adong deba di hamu. Painte so diambungkon hamu angka barang-barang i, nada tarbaen hamu martahan mangalo musu i!’

HAKIM-HAKIM 21:2

Saonnari kehe ma halahi tu Betel jana marjuguhan di bagasan arsak di adopan ni Tuhan. Tangis ma halahi pio-pio,