BILANGAN 11:12 - BIBEL JAMITA NA DENGGAN

¹² Au dehe lakna manompa sanga manubuhon halahi? Biasi dipangido Ho au songon sada halak parorot na mangompa dakdanak? Gabe angkon pature-tureonku halahi salolot di pardalanan tu tano na nijanjihonMu tu ompung ni halahi?

BILANGAN 11:12 ပူးပေါင်းရင်းမြစ်များ

PAMUNGKAAN 13:15

lehenonKu ma tu ho dohot tu pomparanmu sude tano na niidami anso gabe ho nampunasa salolot-lolotna.

PAMUNGKAAN 24:7

Na dung disumpahon Tuhan do tu au, i ma Debata na mangarajai langit, na maroban au sian bagas ni damang dohot sian luat ni koum sisolkotku na giot lehenonNia do luat on tu pomparanku. Laing suruonNia muse ma surusuruanNia mardalan di jolomu anso laing dapot ho boru sian adu di anakki.

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 50:24

Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

2 RAJA-RAJA 10:1

Adong do pitu pulu halak anak ni Raja Ahab dohot pahompunia di Samaria. Jadi gabe ditongos si Jehu ma surat tu angka na mangampu anak dohot pahompu ni si Ahab i dohot tu angka na markuaso di kota i bope tu angka hatobangon na adong di Samaria. Songon on ma hata ni surat i,

2 RAJA-RAJA 10:5

Jadi gabe martona ma kapala ni bagas ni raja dohot walikota rap dohot angka pangituai ni masarakat dohot angka na mangampu anak dohot pahompu ni si Ahab i tu si Jehu songon on, “Unduk do hami tu tuan i jana ra do hami patupahon sanga na aha sajo pe na niparentahon ni tuan i tu hami. Nada baenonnami sanga ise gabe raja. Dibaen tuan i ma sanga aha na denggan didok roha ni tuan i.”

HARURUAR 13:11

Didok si Musa ma tu bangso Israel, “Obanon ni Tuhan ma hamu tu tano Kanaan na dung dijanjihonNa i mardongan sumpa tu hamu dohot tu ompumunu. Dung dipasahat tano i tu hamu,

HARURUAR 13:5

Mardongan sumpa dijanjihon Tuhan tu ompumunu laho pasahatkon tu luat ni halak Kanaan, Het, Amori, Hewi dohot Jebus. Dung dioban Tuhan hamu tu luat na mora bope na napu i, ganop taon di bulan parjolo angkon hagodangkononmunu do pesta on.

HARURUAR 33:1

Didok Tuhan ma tu si Musa, “Mardalan ma ho sian on rap dohot bangso na niuluhonmu ruar sian Mesir, tu luat na Hujanjihon mardongan sumpa tu si Abraham, si Ishak dohot si Jakob dohot tu pomparan ni halahi.

HARURUAR 6:8

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JESAYA 49:15

Dialusi Tuhan, ning Ia ma, “Adong ma he lupa sada ina, di anak na nitubuhonna? Dohonon ma he na so holong rohania di anaknia sandiri? Haru pe sugari lupa ina di dakdanakna tapi Au Tuhan, tu hamu nada ra lupa.

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

JEHESKIEL 34:23

AngkatonKu ma parmahan laho marmahani halahi, i ma naposongKu si Daud, jana parmahanonnia ma halahi.

JOHANNES 10:11

“Au do parmahan na denggan. Rade do mate anggo parmahan na denggan manghopkop biri-birina.

1 KORINTUS 4:15

Songon halak Kristen hamu, didok rohangku madung adong sampulu ribu halak gurumunu, tapi nada adong na gabe ama di hamu. Hum au do na gabe ama di hamu sude, harana Jamita Na Denggan taringot tu Kristus Jesus i do na huoban di hamu.

GALATIA 4:19

Angka dakdanakku na huhaholongi! Saonnari mangulahi do au markancit hara ni hamu. Songon sada ina na manaon na hancit di na laho manubuhon dakdanakna do huhilala saonnari. Angkon laing i do hilalaonku salolot so marrupa dope angka bako ni Kristus di bagasan dirimunu.

PANGARATAION 1:31

dohot di parhorsihan. Diida hamu do sanga songon dia parobanNia di hamu lopus horas hamu di dalan i lalu tu inganan on nada adong imbarna songon sada ama na marompa anakna.’

1 TESSALONIKA 2:7

Tapi lambok do pambaennami tu hamu, songon sada ina na marorot dohot na pature-turehon dakdanaknia.