BILANGAN 11:11 - BIBEL JAMITA NA DENGGAN

¹¹ Dung i didok si Musa ma tu Tuhan i, “Biasi ma he songon i murukMu tu au Tuhan? Adong he na so jop be rohaMu mida au? Biasi dilehen Ho tanggung jawab hara ni halahi tu au?

BILANGAN 11:11 ပူးပေါင်းရင်းမြစ်များ

PANGARATAION 1:12

Tapi bia ma he parjadina anggo sasada au do mamorsan tanggung jawab na borat on laho paturehon sude parkaromunu?

HARURUAR 5:22

Dung i kehe ma si Musa manopot Tuhan jana ning ia ma, “Tuhan, biasi he dibaen Ho hamamago tu bangso on? Biasi disuru Ho au tuson?

2 KORINTUS 11:28

Tamba ni i sudena, sai huarsakkon do ganop ari sude angka na masa di parlagutan i.

MALEAKI 3:14

Didok hamu, “Nada adong gunana marsomba tu Debata. Aha ma he gunana taparate-atehon aha na angkon sikarejohonon maradopkon Ia jana mardalan mamake pakean paboa na marsak di adopan ni Tuhan Na Markuaso?

JEREMIA 15:18

Biasi dehe sai torus au marhancit? Biasi banga gasangku jana nada marnamalum? Betak na giot lebak do au baenonMu songon batang aek na mahiang di ari logo?”

JEREMIA 15:10

Na sial ma da au on! Tu aha do umbaen na ditubuhon dainang au? Angkon martongkar jana martangkangi au dohot sandok jolma na adong di luat on. So jungada au painjamkon sanga manginjam, hape haru songon i pe sude jolma mamurai au.

MASMUR 143:2

NaposoMu do au on, ulang ma timbang parkarongku, angke nada adong halak na so marsala di adopanMu.

MASMUR 130:3

Muda sai paingot-ingotonMu torus dosanami, ise be na tarbaen malua sian uhuman?

JOB 10:2

Ale Debata, ulang ma da au sai pasala. Patorang ma da dialo Ho iba hara ni aha.

BILANGAN 11:15

Muda laing songon i do baenonMu Tuhan tu au, ibo ma rohaMu, gonan ma au bunu anso ulang hutaon be parkancitan na niampehonMon tu au.”

HARURUAR 17:4

Pio-pio ma si Musa tu Tuhan, ning ia ma, “Aha ma baenonku tu angka halak on? Ligi ma, madung marhobas halahi giot mandangguri au dohot batu.”

BILANGAN 11:10

Dibege si Musa ma ungut-ungut ni halahi, di na jongjong halahi marturpuk-turpuk di jolo ni pintu ni bandar ni halahi. Muruk situtu ma Tuhan, jabat hancit roha ni si Musa.