BILANGAN 11:1 - BIBEL JAMITA NA DENGGAN

¹ Dung i mamungka ma sai marungut-ungut bangso i tu Tuhan hara ni angka na hurang di halahi. Dung dibege Tuhan i ungut-ungut ni halahi, gabe muruk ma Tuhan, diparo Ia ma api tu halahi. Rarat ma api i ditonga-tonga ni halahi, pola tehe puntung deba parbandaran i.

BILANGAN 11:1 ပူးပေါင်းရင်းမြစ်များ

PAMUNGKAAN 38:10

Mangalapi muruk ni Tuhan do pambaenannia, gabe dibunu Tuhan muse ma ia.

2 SAMUEL 11:27

Tapi dung abis ari-ari marsiluluton i, disuru alap si Daud ma anakboru i tu bagas godang jana gabe dadaborunia. Nada sadia honok, sorang ma sada anaknia. Tapi nada jop roha ni Tuhan di pangalaho ni si Daud i.

2 RAJA-RAJA 1:12

“Anggo na tutu do au naposo ni Debata,” ning si Elia mangalusi, “Sai mijur ma nian api sian langit manutung ho rap dohot sude paranganmi!” Manigor mijur ma api ni Debata manutung parpangkat i dohot paranganna na lima pulu halak i sude.

JOB 1:16

Mangkobari dope ia, ro muse ma hatoban na paduahon mandok, “Ma disoro ronggur angka biri-biri ni tuan i, dohot angka parmahanna, mate sude. Hum sasada au ma i na malua anso laing adong na paboahon tu tuan i.”

MASMUR 106:18

Mijur api manyoro dongan ni halahi, mangabiskon sandok na so ture i.

MASMUR 78:21

Umbege i, disaroso Tuhan ma bangsoNa dohot api, mur gilap ma murukNia tu halahi,

MASMUR 78:63

Dipapangani api angka doli-doli ni halahi, gabe nada adong be mambuat angka bujing-bujing disi.

HARURUAR 16:7

Manyogot idaonmunu ma sumirlak sinondang sian hamuliaan ni Tuhan. Madung dibege Tuhan angka ungut-ungutmunu tuSia, olo tutu, maradopkon Tuhan. Angke anggo hami, hum patulus na niparentahonNia do.”

HARURUAR 16:9

Didok si Musa ma tu si Harun, “Suruhon ma ro sude bangso i tu adopan ni Tuhan, angke madung dibege Ia ungut-ungut ni halahi.”

JESAYA 10:17

Debata Na Badia sinondang ni Israel, gabe songon jilam ni api na manutung abis sasudena di bagasan sadari, dohot ma i angka ramba na marduri i.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

ANDUNG 3:39

Biasi angkon sai holsoan hita muda diuhum hita hara ni angka dosanta?

JEHESKIEL 20:36

songon na Hubaen tu angka ompumunu di Parhorsihan Sinai. Au Tuhan Debata madung mandok songon i.”

HAMALIMON 10:2

Tuhan i sandiri do parohon api na manutung halahi lalu mate disi, di Bandar Parmianan Ni Tuhan.

NAHUM 1:5

Humutur do angka dolok muda ro Tuhan; gabe malala do angka tor di adopanNia. Muda masuk Tuhan, humutur ma portibi, humutur ma tano dohot sude pangisina.

HABAKUK 3:5

Disuru Ho do nyae mardalan di joloMu jana ihut ma hamatean di pudiMu.

BILANGAN 10:33

Dung ditinggalkon halak Israel Sinai, dolok na badia i, mardalan ma halahi tolu ari honokna. Tongtong do di jolo Poti Parjanjian Ni Tuhan i, anso dipaboa ia inganan parbandaran di halahi.

BILANGAN 11:18

Pabolkas ma saonnari tu bangso i, ‘Paias hamu ma dirimunu ancogot, anso mangan juhut hamu. Madung dibege Tuhan partangisan dohot ungut-ungutmunu, na malungun hamu mangan juhut, jana na dumenggan dihilala hamu ngolumunu tingki di Mesir. Saonnari lehenon ni Tuhan ma juhut di hamu, jana angkon panganonmunu i.

BILANGAN 12:2

Ninna halahi ma, “Hum markite-hite si Musa noma he mangkobari Tuhan i? Markite-hite hita pe nada he mangkobari Ia?” Dibege Tuhan do hata ni halahi i. (

BILANGAN 14:2

Marungut-ungut ma halahi tu si Musa dohot tu si Harun. Ninna halahi ma, “Dumenggan ma mate hian hita di Mesir sanga pe di parhorsihan on.

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.

BILANGAN 14:27

“Sadia honok nari halak na jahat on, sai marungut-ungut jana mangalo Au? Madung ingoran Au pabege-bege angguk-angguk ni halahi.

BILANGAN 14:28

Dohononmu ma mangalusi halahi songon on: didok Tuhan i, ‘Marsumpa ma Au hara ni hadirionKu, angkon baenonKu tu hamu mangihutkon pangidoanmunu sandiri. Au do Tuhan mandok.

BILANGAN 16:11

Muda marungut-ungut ho Korah dohot angka donganmi laho mangalo si Harun, Tuhan do na nialomunu!”

BILANGAN 16:35

Diparo Tuhan i muse ma api na marjembur laho manutung na 250 halak na manutung hamonyan i.

BILANGAN 17:5

Martunas do muse tungkot ni halak na dung Hupili. Marhite on ma antahonKu holso ni angka jolma na sai torus marungut-ungut mangalo Au.”

BILANGAN 21:5

gabe marungut-ungut ma halahi tu Debata dohot tu si Musa. Ninna halahi ma, “Biasi obanonmu hami haruar sian Mesir, anso bunuonmu hami di parhorsihan on, so adong panganon dison, aek pe nada adong. Gialan hami hara ni panganon na so mardai on!”

1 KORINTUS 10:10

Ulang ma hamu mungut-ungut songon na nikarejohon ni na deba sian halahi, gabe mago ma halahi dibaen sipangago i.

PANGARATAION 25:18

Nada dihabiari halahi Debata, jana gabe dialo halahi do hamu sian pudi, dompak hatiha loja boti abis gogo hamu, gabe dibunu halahi ma angka donganmunu na mardalan di pudi hara ni na so lobassa.

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.

PANGARATAION 9:22

Di Tabera, Masa dohot Kibrot Taawa disungguli hamu do muruk ni Tuhan Debatamunu.

IBRANI 12:29

Angke songon api na mangabiskon do tutu anggo Debatanta i.

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.

JUDAS 1:16

Hum na mungut-ungut do halahi dohot na manyolsoli hara ni bagianna, na mardalan mangihutkon giot-giot ni sibukna mambaen dosa. Na pujian halahi di diri ni halahi, jana dipanggar-panggar halahi ma halak anso dapotan untung halahi.