BILANGAN 10:30 - BIBEL JAMITA NA DENGGAN

³⁰ “Tarimakasi ma da,” ning si Hobab mangalusi, “tapi anggo au giot mulak tu huta hagodanganku do.”

BILANGAN 10:30 ပူးပေါင်းရင်းမြစ်များ

IBRANI 11:13

Di bagasan haporsayaan i, madung mate halahi sude. Nada dijagit halahi dopena janji i, tapi di tatap halahi do i sian na dao. Jadi pos jana jop do roha ni halahi marnidasa, jana dioku halahi do, bahaso pangaranto dohot paisolat do halahi di tano on.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

2 KORINTUS 5:16

Jadi hara ni i, nada marguru tu parsuhatan ni jolma be hami manimbang halak. Najolo jungada do hami parsuhatkon parsuhatan ni jolma tu Kristus, tapi anggo saonnari nada be.

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

MATEUS 21:29

Jadi dialusi anaknia i ma, ‘Inda ra au,’ ning ia. Tapi maruba muse ma roha ni anaknia i gabe kehe ma ia tu kobun anggur i.

MASMUR 45:10

O ale boru ni raja, bege jolo hatangku, halupahon ma bangsomu dohot ale-alemu.

PAMUNGKAAN 31:30

Huboto do hara ni lungun ni rohamu do tu luatmu umbaen na kehe ho, tapi biasi tangkoonmu dewa parsaripeonki?”

PAMUNGKAAN 12:1

Didok Tuhan ma tu si Abram, “Tadingkon ma tano hagodanganmu, angka sisolkotmu dohot bagas ni amangmu, jana kehe ma ho mandapotkon luat na giot patuduhononKu tu ho.

MATEUS 21:28

Saonnari bia do ninna rohamunu taringot tu umpama on, “Adong ma sada ama, dua anaknia. Jadi didok ia ma tu anaknia siangkaan i, ‘Kehe ma ho jolo amang markarejo sadari on di kobun anggurta i.’

HARURUAR 18:27

Dung i dipatola si Musa ma si Jetro laho kehe jana mulak ma si Jetro tu kotania.

HAKIM-HAKIM 1:16

Angka halak Keni, i ma pomparan ni si Hobab, ipar ni si Musa, didongani halahi ma halak Juda haruar sian Jeriko, kota Kurma, jana kehe tu luat na harsang na di Selatan ni Arad na di Juda. Disi ma halahi hot maringanan di tonga-tonga ni bangso Amalek.