BILANGAN 10:12 - BIBEL JAMITA NA DENGGAN

¹² Halak Israel pe mamungka ma mardalan ruar sian Parhorsihan Sinai. Dung bolkas tu Parhorsihan Paran, maradian ma ombun i.

BILANGAN 10:12 ပူးပေါင်းရင်းမြစ်များ

PAMUNGKAAN 14:6

dohot halak Hori di tano pardolohan Edom, lopus dikojar halahi lalu tu El-Paran na di topi ni parhorsihan.

PAMUNGKAAN 21:21

Dipabagas inangnia ma ia dohot sada boru Mesir.

1 RAJA-RAJA 11:18

Kehe ma halahi sian Midian, lalu ma tu Paran, jana disi ma marsuo halahi dohot halak na asing deba nari jadi udur ma halahi tu Mesir mandapotkon raja Mesir. Dilehen raja i ma tu si Hadad bagas dohot tano baen inganannia dohot haroroan ni ngolu-ngolunia.

HARURUAR 13:20

Ditinggalkon halak Israel ma Sukot, jana marbandar ma halahi di Etam, di topi ni parhorsihan.

HABAKUK 3:3

Ro do Debata sian Luat Teman, jana Na Sun Badia sian Dolok Paran. Ditutupi hamuliaonMu do langit; tano on gok puji-pujian di goarMu.

BILANGAN 1:1

Di tanggal sada bulan dua di taon paduahon dung ditinggalkon halak Israel tano Mesir, manghatai ma Tuhan tu si Musa di bagasan Bandar Parmianan Ni Tuhan di Parhorsihan Sinai.

BILANGAN 10:33

Dung ditinggalkon halak Israel Sinai, dolok na badia i, mardalan ma halahi tolu ari honokna. Tongtong do di jolo Poti Parjanjian Ni Tuhan i, anso dipaboa ia inganan parbandaran di halahi.

BILANGAN 12:16

Dung i ditinggalkon halahi ma Haserot, marbandar ma halahi di Parhorsihan Paran.

BILANGAN 13:26

Dipaboa halahi ma i tu si Musa, si Harun dohot tu sude halak Israel na marlagut di Kades di Parhorsihan Paran. Dibaritahon halahi ma angka na niida ni halahi. Batu ni hayu na nioban ni halahi dipatidahon halahi ma tu halak Israel.

BILANGAN 13:3

Di patulus si Musa ma parenta ni Debata, sian Parhorsihan Paran i ditongos ia angka na gabe mata-mata, i ma pamimpin na nidok dison: MARGA PAMIMPINNA Ruben Samua anak ni si Zakur Simeon Safat anak ni si Hori Juda Kaleb anak ni si Jefunne Isakar Jigal anak ni si Josep Efraim Hosea anak ni si Nun Benyamin Palti anak ni si Rafu Zebulon Gaddiel anak ni si Sodi Manase Gadi anak ni si Susi Dan Amiel anak ni si Gemali Aser Setur anak ni si Mikael Naftali Nahbi anak ni si Wofsi Gad Gauel anak ni si Maki

BILANGAN 2:34

Sude na niparentahon ni Tuhan i tu si Musa, dipatulus halak Israel do. Ganop halahi marbandar di toru ni manderana, jana mardalan halahi mar sasamarga.

BILANGAN 9:1

Di bulan parjolo taon paduahon dung ditinggalkon halak Israel tano Mesir, didok Tuhan ma tu si Musa di Parhorsihan Sinai. Ninna Tuhan i ma,

BILANGAN 9:17

Muda manaek ombun i dibuka halak Israel ma Bandar Parmianan anso mardalan halahi. Muda mijur ombun i dipajongjong halahi ma bandar i mangulahi.

BILANGAN 9:5

Jadi dung potang ari di tanggal opat bolas di bulan parjolo i, marpesta ma halahi di Parhorsihan Sinai. Sude dipatulus halahi tumbuk songon na dung diparentahon ni Tuhan i tu si Musa.

PANGARATAION 1:1

Di buku on tarsurat do angka hata na nipasahat ni si Musa tu bangso Israel dompak di halongonan na di Habincaran ni Batang aek Jordan halahi. Di Rura Jordan na di lambung ni kota Sup do halahi topet, di holang-kolang ni kota Paran di sada ipar dohot kota Tafel, Laban, Haserot dohot Di-Zahab sabariba nari. (

PANGARATAION 1:19

“Dung i tapatulus muse ma sanga aha na niparentahon ni Tuhan tu hita. Tatadingkon ma Dolok Sinai, lalu mardalan hita mamolus parhorsihan na bidang jana na jorbut i laho tu luat partoran ni halak Amori. Di na lalu hita di Kades-Barnea,

PANGARATAION 1:7

Antong rorak hamu ma bandarmunu i jana kehe ma hamu tu tano ni halak Amori na mardolok-dolok i dohot tu sude luat na humaliangna i – tu Rura Jordan, tu tano na martor dohot tu tano napa na toruk, tu Luat Selatan dohot tu topi ni Laut Tonga. Kehe ma hamu tu tano Kanaan, manyalpui partoran Libanon lopus tu aek na godang Efrat.

PANGARATAION 33:2

“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

1 SAMUEL 25:1

Nada sadia honok nari marujung mangolu ni si Samuel. Marlagut ma sude Israel jana tumatangis. Dung i dikuburkon ma ia di bagasnia di Rama. Dung i kehe ma si Daud tu Parhorsihan Paran.