BILANGAN 10:1 - BIBEL JAMITA NA DENGGAN

¹ Didok Tuhan ma tu si Musa,

BILANGAN 10:1 ပူးပေါင်းရင်းမြစ်များ

PAMUNGKAAN 42:13

Ning halahi ma mangalusi, “Dua bolas halak do hami martinadohon tuan, na saama do hami, jana di Kanaan do amanta na umpompar hami. Anggo sada madung jumolo sian hami jana sianggian i rap dohot amanta do saonnari.”

PAMUNGKAAN 46:15

I ma sude dakdanak ni si Jakob na nitubuhon ni si Lea dompak di Mesopotamia tamba ni borunia na margoar si Dina. Jadi pungu ma tolu pulu tolu halak sude pomparan ni si Jakob sian si Lea.

2 SAMUEL 6:15

Songon i ma pangalahona si Daud dohot rayat Israel sudena mamindahon Poti Parjanjian i tu Jerusalem mardongan surak-surak dohot sora ni sarune.

2 RAJA-RAJA 11:14

Diida ia ma disi raja na imbaru i jongjong di lambung ni, di jolo ni pintu masuk tu Bagas Ni Debata mangihutkon adatna di na mangangkat angka raja. Dihaliangi angka parpangkat dohot angka parsarune do si Joas. Marmoga-moga do sude rayat i marsurahi jana laing dipalu muse ma sarune. Disibakkon si Atalia ma pakeannia tanda ni muruknia jana marsurak ma ia, “Pargabus! Pargabus!”

2 JUJUR TAON 23:13

Diida ia ma raja na imbaru i jongjong di pintu masuk tu Bagas Ni Debata di inganan panabalannia i. Dihaliangi angka perwira do ia dohot angka siombus sarune i. Marsurak ma sude rayat i marjop ni roha lalu mangkuling ma sarune jana angka parmusik ni Bagas Ni Debata pe dohot ma pariburkon parayaan i marhite angka alat musik ni halahi. Disibakkon si Atalia ma pakeannia tanda ni murukna jana marsurak ma ia, “Panghianat! Panghianat!”

2 JUJUR TAON 7:6

Jongjong ma angka malim i di jongjonganna be paadop-adop dohot halak Levi na mamuji Tuhan dohot alat-alat musik na nibaen ni Raja Daud, lalu mangendehon, “Manongtong do holong ni rohaNa sapanjangna,” hombar tu na nidokkon ni si Daud. Diombus angka malim ma sarune, lalu marjongjongan ma rayat i sudena.

ESRA 3:10

Di na mamungka mamayakkon pondasi ni Bagas Ni Tuhan i angka parkarejo bangunan i, marpakean juba ma angka malim jana jongjong ma halahi di inganan na ditontuhon maniop sarune. Laing disi muse ma jongjong halak Levi na sian horong Asap maniop angka doal na menek-menek. Dipuji-puji halahi ma Tuhan hombar tu aturan na dung ditotopkon mamungka sian hatiha ni Raja Daud.

MASMUR 47:5

Madung dipanaek Debata habangsaNia, mardongan surak-surak dohot sora ni sarune.

MASMUR 81:3

Ombus ma sarune di ari pestanta, di pesta bulan baru dohot bulan tula.

MASMUR 98:6

Palu hamu ma sarune dohot sangkakala, marsurak ma hamu di Tuhan, Rajanta.

BILANGAN 1:52

Angka halak Israel na asing i, pajongjongon ni halahi ma bandar ni halahi marturpuk-turpuk, ganop halak di bagasan turpuk i rap di toru ni manderana be.

BILANGAN 10:2

“Baen ma dua sarune sian perak na nitopa. Pake ma i marpio jolma i marlagut sanga manyuru mardalan.

BILANGAN 29:1

“Di tanggal sada bulan pitu angkon marlagut do hamu maribadat, nada tola mangkarejohon barang aha pe. Di ari i angkon paluon ma angka sarune.

BILANGAN 7:2

Dung i, angka kapala ni marga na gabe pamimpin ni angka marga-marga Israel, i ma angka na disuru mambaen pamilangion,

BILANGAN 9:23

Sanga na tinggal bangso Israel di sada inganan sanga pe kehe tu inganan na asing sude mangihutkon parenta ni Tuhan na nilehen ni Tuhan i marhite si Musa.

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”

JOSUA 6:4

Pitu halak malim na maroban sada be sarune, angkon mardalan di jolo ni Poti Parjanjian i. Di ari papituhon angkon hulianganmu dohot paranganmu kota i pitu noli jana ombuson ni angka malim ma sarunena i.

HALUMBAAN 8:2

Dung i huida ma dilehen pitu sarune tu surusuruan na pitu na jongjong i di jolo ni Debata.

HAKIM-HAKIM 7:20

Laing dibaen rombongan na dua nari ma songon i. Sude ma halahi mangangkat obor ni halahi i dohot tangan siambirang, jana mangombus sarune na di tangan siamun ni halahi lalu marsurak, “Podang di Tuhan dohot di si Gideon!”