BILANGAN 1:3 - BIBEL JAMITA NA DENGGAN

³ na marumur 20 taon tu ginjang, na dung tarbaen masuk tentara.

BILANGAN 1:3 ပူးပေါင်းရင်းမြစ်များ

2 SAMUEL 24:9

dipaboa halahi ma tu raja i suha ni pamilangion i. Bahat ni halaklahi na tarbaen gabe tentara adong do 800.000 di Israel dohot 500.000 di Juda.

1 JUJUR TAON 5:18

Di Marga Ruben, Gad dohot Manase Habincaran adong do 44.760 halak parajurit na dung tangkas malo mamake parince, podang dohot pana.

2 JUJUR TAON 25:5

Dipalagut Raja Amasia ma sude halak na sian Marga Juda dohot Benyamin lalu disuru ia ma halahi jongjong mangihutkon horongna be dipimpin komandan pasukan saribu dohot komandan pasukan saratus. Dung i dipili ia ma angka halak na marumur dua pulu taon tu ginjang na bolas gabe tentara jana malo mamake tombak dohot parince. Adong ma 300.000 halak bahatna.

HARURUAR 12:17

Angkon tongtong do baenonmunu parningotan di Ari Pesta on, angke di ari on ma Huoban sude bangsomunu haruar sian Mesir. Tu angka ari na ro pe angkon baenon do parningotan di Ari Pesta on lalu tu angka pomparanmunu.

HARURUAR 30:14

Ganop halak na giot daftarkonon i, na marumur dua pulu taon tu ginjang, angkon pasahatonna ma haul sisongon i tu Tuhan.

HARURUAR 38:26

Sai ma bahat ni panggararan ni halak Israel, sude na tarsurat di sensus i. Ganop halak manggarar ma hombar tu na ditontuhon, ditimbang do i mangihutkon timbangan na rasmi. Di sensus i tarsurat ma 603.550 bahat ni halaklahi na marumur dua pulu taon tu ginjang.

BILANGAN 14:29

Angkon mate hamu, jana bangkemunu marserak di parhorsihan i. Madung sai marungut-ungut hamu mangalo Au. Hara ni i ma, asing sian si Kaleb dohot si Josua, umpe sahalak sian hamu na marumur di ginjang ni dua pulu taon tarbaen masuk tu luat na dung Hujanjihon tu hamu.

BILANGAN 26:2

“Etongi hamu ma sude halak Israel marsasaompu. Sude halaklahi na marumur dua pulu taon tu ginjang na dung tarbaen masuk tentara angkon disuratkon.”

BILANGAN 3:15

mambaen daftar ni halak Levi mangihutkon marga dohot ripe, sude anak halaklahi na marumur sabulan sanga lobi angkon suratkonon goarna.

BILANGAN 33:1

Dung ditinggalkon halak Israel tano Mesir di bagasan barisan ni marga-margana be, na niuluhon ni si Musa dohot si Harun, maradian do halahi di angka inganan na nitontuhon.

BILANGAN 4:3

Lalu manyuratkon goar ni sude halaklahi sian na marumur tolu pulu dohot lima pulu taon, na tarbaen markarejo di Bandar Parmianan Ni Tuhan.

PANGARATAION 24:5

“Muda adong sada bayo na baru mambuat boru, nada tola i suruon masuk dinas tentara sanga karejo umum na asing. Angkon bebas do ia sian karejo sataon lolotna, anso tarbaen ia tinggal di bagas dohot pajopkon roha ni dadaborunia i.

PANGARATAION 3:18

Laing huparentahon do di hatiha i tu halahi: ‘Madung dipasahat Tuhan Debatanta i tu hamu tano na di Habincaran ni Batang aek Jordan baen siinganan. Saonnari, pasingkop hamu ma sinjata ni angka tentaramunu jana suru hamu ma halahi manaripari Batang aek Jordan manjoloi angka marga ni Israel na asing i, laho mangurupi halahi mambuat tano i.