BILANGAN 1:1 - BIBEL JAMITA NA DENGGAN

¹ Di tanggal sada bulan dua di taon paduahon dung ditinggalkon halak Israel tano Mesir, manghatai ma Tuhan tu si Musa di bagasan Bandar Parmianan Ni Tuhan di Parhorsihan Sinai.

BILANGAN 1:1 ပူးပေါင်းရင်းမြစ်များ

1 RAJA-RAJA 6:1

Di bulan Ziv, i ma bulan paduahon, di taon paopatkon mamarenta si Salomo, opat ratus salapan pulu taon dung ditinggalkon bangso Israel Mesir, mamungka ma si Salomo markarejo pajongjong Bagas Ni Debata.

HARURUAR 19:1

Dung i kehe ma bangso Israel manadingkon Rafidim jana di tanggal sada bulan patoluhon dung kehe halahi sian Mesir, lalu ma halahi di Parhorsihan Sinai. Jana dibaen halahi ma bandar di pat ni Dolok Sinai,

HARURUAR 25:22

Disi ma Au marsuo dohot ho, jana sian ginjang tutupna i di holang-kolang ni kerub na dua na marhabong i, sian i ma lehenonKu angka aturan tu bangso Israel.”

HARURUAR 40:17

Jadi di tanggal sada bulan sada di taon paduahon dung ditadingkon bangso Israel tano Mesir, dipajongjong ma Bandar Parmianan ni Tuhan.

HARURUAR 40:2

“Pasangonmu ma Bandar ParmiananKi di tanggal sada bulan sada.

HAMALIMON 1:1

Dipio Tuhan ma si Musa masuk tu Bandar Parmianan Ni Tuhan jana dilehen ma angka aturan tusia,

HAMALIMON 27:34

I ma angka parenta na nilehen ni Tuhan di ginjang ni Dolok Sinai tu halak Israel marhite si Musa.

BILANGAN 1:18

anso marlagut sude jolma i di tanggal sada bulan dua, anso didaftar sude bangso i mangihutkon marga dohot ganop ripe. Goar ni sude halaklahi na marumur dua pulu taon tu ginjang disurat jana dietong,

BILANGAN 12:4

Dung i tompu ma didok Tuhan tu si Musa, si Harun dohot si Miryam, “Au mandok anso ro hamu na tolu tu Bandar ParmiananKu.” Halahi pe kehe ma tusi,

BILANGAN 9:1

Di bulan parjolo taon paduahon dung ditinggalkon halak Israel tano Mesir, didok Tuhan ma tu si Musa di Parhorsihan Sinai. Ninna Tuhan i ma,

PANGARATAION 1:3

Di tanggal sada bulan sabolas di taon paopat puluhon dung ditandingkon halahi Mesir, dipabolkas si Musa ma tu bangso i sandok na nisuruhon ni Tuhan sidokkononnia tu halahi.

PANGARATAION 2:14

I ma na masa di taon patolu pulu salapankon dung tatadingkon Kades-Barnea. Madung marujung ngolu ni sude tentara na sangoncap i, songon na nilumbahon ni Tuhan humani.

PANGARATAION 2:7

Ingot hamu ma sanga songon dia pamasumasu ni Tuhan Debatamunu di hamu di bagasan sasude na nibaenmunu. Madung diparmudu-mudu Ia hamu salolot na madang-adang mamolus parhorsihan na bolak i. Madung didongani Ia hamu di na opat pulu taon on jana dipasingkop Ia sandok na hasaya di hamu.