ANDUNG 5:6 - BIBEL JAMITA NA DENGGAN

⁶ Kehe hami tu Mesir laho mangido sipanganon, tu Asur pe kehe hami anso ulang tangkuraparon.

ANDUNG 5:6 ပူးပေါင်းရင်းမြစ်များ

PAMUNGKAAN 24:2

Sanoli, mandok hata ma ia tu hatobannia na tumobang, i ma na mangurus sude arta sinadongannia, ning ia ma, “Baen ma tanganmu tu holang-kolang ni hae-haengkon.

2 RAJA-RAJA 10:15

Dipatorus si Jehu ma pardalanannia. Di tonga dalan dialo-alo si Jonadab anak ni si Rekhab ma ia. Dijalang si Jehu ma ia jana didok ia ma, “Saroha do hita, atehe? Ra do ho mangurupi au?” “Olo,” ning si Jonadab. “Antong anggo songon i marsijalangan ma jolo hita,” ning si Jehu. Marsijalangan ma halahi jana ditogu si Jehu ma si Jonadab laho manaek tu karetania i

JESAYA 57:9

Maroban miak na huskus do hamu mangadop Debata Molok, jana marragam angka na huskus; disuru ho do kehe angka suruanmu tu luat na dao, jana lalu tu banua toru inganan ni na mate.

JEREMIA 2:18

Na mahua ma ho tu Mesir? Na giot manginum aek ni Batang aek Nil? Na giot mahua ma ho tu Asur? Na giot manginum aek ni Batang aek Efrat?

JEREMIA 2:36

Nayang na i didok rohamu laho paubahon parangemu! Jana angkon maila ma ho hara ni halak Mesir, songon na dung dipaila ni Asur i ho.

JEREMIA 50:15

Marsurak ma hamu paboahon parporangan humaliang kota i! Saonnari madung tunduk Babel. Angka tembokna i madung dirumpakkon jana diparunggalkon. Na palalu hosom do Au saonnari tu Babel. Hara ni i, baen hamu ma tu halahi songon na nibaen ni halahi tu angka halak na asing.

ANDUNG 4:17

Manatap do matanami, paintehon pangurupi na so ra ro i. Hami arop do nian ro pangurupi sian sada bangso, hape nada adong na mangalehen.

JEHESKIEL 17:18

Hara ni na mangalaosi ia di sumpa dohot janjinia, pola do sampe marsijalangan, gabe nada tarbahen ia be paluahon dirina.

HOSEA 12:1

Didok Tuhan ma, “Dihuliangi Efraim do Au marhite gabus dohot sipaoto-oto; bangso Juda laing tongtong mangalo tu Au, Debata Na Badia jana na tigor.

HOSEA 5:13

Torang do diboto bangso Israel dohot bangso Juda hajorbuton na masa di halahi, gabe kehe ma Israel tu Asur laho mangido bantuan sian raja bolon i. Hape nada haurupan raja i sanga tarpadenggan na masa tu halahi.

HOSEA 7:11

Moncong-oncong Israel songon unggas darapati na oto; mula-mulana kehe angka halak ni halahi mangido bantuan tu Mesir, dung i marlojong muse ma halahi tu Asur!

HOSEA 9:3

Hamu ale halak Israel, nada tongtong hamu tinggal di tano na nilehen ni Tuhan tu hamu. Angkon mulak hamu tu Mesir jana angkon panganonmunu sipanganon na haram di Asur.