ANDUNG 5:22 - BIBEL JAMITA NA DENGGAN

²² Adong he na dung diambungkon Ho do hami songon i? Na so marbolat dehe murukMu tu hami?

ANDUNG 5:22 ပူးပေါင်းရင်းမြစ်များ

MASMUR 44:9

Hape saonnari ditadingkon Ho do hami, dipadiar Ho hami ditaluhon halahi. Nada be Ho maju rap dohot hami.

MASMUR 53:5

Ligi da, gaor hara ni biar ma angka musu ni bangso ni Debata, nada jungada dope dihilala halahi songon i hagaoran, harana giot sarsarkonon ni Debata ma angka holi-holi ni halahi ditulak Debata do halahi, gabe ditaluhon ma halahi.

MASMUR 74:1

Ale Debata, salolot-lolotna dehe tadingkononMu hami? Biasi torus muruk Ho tu bangsoMu sandiri?

MASMUR 79:5

Ale Tuhan, torus noma lakna Ho muruk, jana sai marapi purun hamumurukMu?

JESAYA 64:9

Jadi ulang ma marpiar-piar murukMu, ulang sai paingot-ingot be dosanami. Laing timbangi ma jolo di rohaMu, ale Tuhan, hami on laing bangsoMu.

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 6:30

Goaron noma halahi perak na so hasaya angke Au Tuhan, madung manulakkon halahi.

JEREMIA 7:29

Didok Tuhan, “Ale halak Jerusalem, marsiluluton ma hamu! Gusting ma obukmu jana ambungkon ma i! Endehon hamu ma ende andung di puncu ni dolok di partoran. Au Tuhan, dibaen hamu gabe gusar saonnari gabe Hutulak hamu sudena.

JEHESKIEL 24:13

Ale Jerusalem, angka pambaenanmu na so ture i, i do mambaen hodar ho. Madung Hucubo nian paias ho, hape nada adong gunana, angke torus do ho hodar. Nada be ra ho ias mangulahi lopus Hupalalu rimasKu tu ho.

JEHESKIEL 37:11

Didok Debata ma tu au, “Ale anak ni jolma, bangso Israel do na nigambarkon ni angka holi-holi on. Humolos do halahi hara ni na mahiang halahi, nada adong be arop ni roha jana nada adong be ari pangapudianna.

HOSEA 1:6

Dung i denggan ma muse pamatang ni dadaboru i jana manubuhon sada dakdanak dadaboru. Didok Tuhan ma tu si Hosea, “Baen ma goar ni borumi si Lo-Ruhama, angke nada holong be rohangKu mida bangso Israel, jana nada ampunanKu be halahi.