ANDUNG 4:21 - BIBEL JAMITA NA DENGGAN

²¹ Ale bangso Edom dohot Us martata be ma hamu, salolot habolasan, marmoga-moga ma hamu! Tu ho pe giot ro muse do parmaraan; lenong ma hamu marbuka pakean.

ANDUNG 4:21 ပူးပေါင်းရင်းမြစ်များ

PAMUNGKAAN 36:28

Si Disan ma ompu ni Marga Us dohot Aran.

2 JUJUR TAON 28:19

Hara ni na nilanggar ni si Ahas raja ni Juda i angka hak ni rayatnia jana mangalo ia tu Tuhan, gabe dipamasa Tuhan ma hagaoran di Juda.

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

MASMUR 137:7

Ale Tuhan, ingot ma pambaenan ni halak Edom, dompak na ro halahi manaban Jerusalem. Sai marpupu didok halahi, “Unggalkon ma lalu tu ojahanna i!”

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

JEREMIA 49:12

Halak na so patut niuhum pe laing hona uhum do, mur hamu ma hape? Musti hona uhum hamu!

JEREMIA 49:7

On ma na nidok ni Tuhan Na Markuaso salaho tu Amon, “Adong he na so tarbaen halak Edom be marpikir torang? Adong he na so dilehen angka panuturi ni halahi be sipaingot tu halahi?

JEHESKIEL 25:6

Mangkuling ma Tuhan Debata i, “Martopapi hamu marjop ni roha. Layas diida hamu tano Israel i.

JEHESKIEL 25:8

Didok Tuhan Debata i ma, “Pandok ni Moab sarupa tu angka bangso na asing do anggo Juda i.

JEHESKIEL 26:2

“Ale jolma parsantongkinan, marsurak-surak do halak Tirus lalu mandok, ‘Madung maronco Jerusalem! Gogona di parboniagaan madung mago! Nada be imbangta i!’ ”

AMOS 1:11

Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i. Manigor muruk do halahi jana tongtong marhosom.

OBAJA 1:1

On ma parnidaan ni si Obaja; dipalalu ia do tona ni Tuhan Na Gumincat i taringot tu bangso Edom: Ditongos Tuhan ma angka suruanNa tu angka bangso, jana hubege do tona na niobanna i, “Markobas ma hamu marporang! Beta ma hita mamorangi Edom.”

MIKA 1:11

Hamu na maringanan di Safir, kehe ma hamu tu habuangan nada marpakean jana mardongan ila ni roha! Angka halak Zaanan nada puluk ruar sian kotana. Angguk ni halak Bet-Haesel, i ma patuduhon tu hamu na so adong be pangondian disi.

HABAKUK 2:16

Saonnari geleranmu noma pailaon, jana nada na giot dipasangap. Muba ma hasangapanmu gabe habilean. Paksaon ni Tuhan noma ho minum sian panginuman na marisi uhuman. Minum ma ho lopus mabuk jana lenong-lenong.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”