ANDUNG 4:20 - BIBEL JAMITA NA DENGGAN

²⁰ Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

ANDUNG 4:20 ပူးပေါင်းရင်းမြစ်များ

PAMUNGKAAN 2:7

Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

PAMUNGKAAN 44:30

“Jadi hara ni sudena i, tuannami,” ning si Juda tu si Josep, “Muda mulak hami tu amanta hami so dohot dakdanak i, anggo amangnami i, mate noma i. Tarihot tu dakdanak i noma hosa ni na tobang-tobang i; boti hara ni tobangnia, patibu mate noma ia baenon ni hamarsahan na hami baen on tusia.

2 SAMUEL 1:14

Didok si Daud ma, “Na puluk ma ho antong mamunu raja na nipili ni Tuhan!”

2 SAMUEL 1:21

O angka Dolok Gilboa, tangihon pamiongku: Ulang jabat bornok ho baenon ni ombun dohot udan! Gumonan hiang marigang ladang dohot padang. Angke disi ma antong madabu onding-onding ni na barani. Dohot parince ni si Saul pe ma pola haraton, nada be dimiahi.

2 SAMUEL 18:3

Tapi dialusi halahi ma, “Ulang, rajanami. Harana, sugari tarpaksa angkon marlojongi hami, sanga sugari mate rupani satonga sian hami, nada parduli musunta i disi, angke raja i do na nirohaan ni halahi. Sarupa do arga ni raja i dohot sampulu ribu sian hami on. Boti muse, gumonan do raja i manongos bantuan tu hami sian kota.”

2 SAMUEL 19:21

Umbege i gabe didok si Abisai anak ni si Zeruya i ma, “Anggo si Simei indon patut do nian mate niuhum on, hara ni na mamurai tu raja na nipili ni Tuhan.”

2 JUJUR TAON 35:25

Dikarang Panurirang Jeremia ma sada ende andung di Raja Josia. Lopus tu sadari on dipake angka parende do ende i di Israel, halaklahi bope dadaboru di parningotan siluluton tu si Josia. Dipamasuk do ende i tu bagasan parpunguan ni angka ende andung.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JEREMIA 39:5

Tapi diayak tentara Babel i ma halahi jana ditangkup ma si Zedekia di napa ni Jeriko. Dung i dioban ma ia tu Raja Nebukadnesar di kota Ribla na di tano Hamat, lalu diuhum mate ma ia.

JEREMIA 52:8

Tapi diayak tentara ni Babel i do Raja Zedekia, jana ditangkup ma ia di napa ni Jeriko. Marlojongi do sude anak buania i manadingkon ia.

JEREMIA 52:9

Dung i dioban ma Raja Zedekia tu Raja Nebukadnesar di kota Ribla di Luat Hamat, lalu didabu ma uhuman mate tusia.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

JEHESKIEL 12:13

Tapi sampakkononKu ma jalangKu laho manangkup ia. Dung i obanonKu ma ia tu kota Babel jana disi noma marujung ngolunia, so jungada diida matania kota i.

JEHESKIEL 17:18

Hara ni na mangalaosi ia di sumpa dohot janjinia, pola do sampe marsijalangan, gabe nada tarbahen ia be paluahon dirina.

JEHESKIEL 31:17

Udurhonon ni halahi ma i tu inganan ni halak na mate jana marlagut dohot halahi na dung parjolo madabu. Jana sudena na juguk najolo di toru ni hayu i, serakkonon noma i di tonga-tonga ni angka bangso.

DANIEL 4:12

Mangarata angka bulungna i, batuna pe ramos sajo, jabat tuk baen panganon ni jolma na satano on. Marmodoman angka binatang harangan di toruna i jana angka unggas pe marasari do di angka dangkana i. Jana sandok na mangolu dapotan sipanganon do sian ia.

HOSEA 13:10

Di dia ulaning rajamu, anso dipalua ia ho, dohot sude pamimpinmu anso dilehen ia hatigoran tu ho, ale ho na mandok, “Lehen ma tu au sahalak raja dohot angka pamimpin.

HAKIM-HAKIM 9:15

Dialusi tada-tada i ma, ‘Muda sian situtu ni rohamunu do mambaen au gabe rajamunu, ro ma hamu marlindung di toru ni linggomanku. Tapi anggo nada ra hamu, ruar do api sian angka dangkangku na marduri on na manyurbu sude angka bona ni ares na di Libanon.’ ”

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”

1 SAMUEL 12:5

Dung i didok si Samuel ma, “Di ari sadari on, Tuhan ma saksina dohot raja na nipiliNia i bahaso na so hadapotan au marsala saotik pe.” “Olo, Tuhan ma saksina,” ning halahi mangalusi.

1 SAMUEL 16:6

Dung marlagut halahi jana diida si Samuel ma si Eliab anak ni si Isai i, marpikir ma ia, “On ma pasti na nipili ni Tuhan.”

1 SAMUEL 24:10

Manaili ma si Saul tu pudi jana tungkap ma si Daud mamparsangapi lalu didok ia, “Biasi ditangihon raja i hata-hata ni halak na mandok na giot agoonku raja i?

1 SAMUEL 24:6

Tapi dung salpu, songon na sala do tu pangkilalaannia dung dibaen ia songon i.

1 SAMUEL 26:16

Nada manjadi ho mandalankon karejomu, Abner! Mangasahon Tuhan na mangolu i, sapatutna do nian dimatehon hamu sude, angke nada dijagohon hamu tuanmunu na nipili ni Tuhan i. Ligi ma! Ma di dia he tombak ni raja i? Ma di dia gendi na di lambung ni ulu ni raja i nangkin?”

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.