ANDUNG 4:10 - BIBEL JAMITA NA DENGGAN

¹⁰ Jorbut ma da parmaraan i na mandondoni bangsongki; salang angka ina parroha na lambok dilompa ia noma anakna sandiri baen pangisi ni butuhana.

ANDUNG 4:10 ပူးပေါင်းရင်းမြစ်များ

2 RAJA-RAJA 25:3

Di tanggal sambilan bulan opat di taon i, nada adong be panganon ni rayat i.

JESAYA 22:2

Sude kota marsurak-surak gok hariburon dohot jop ni roha. Angka tentaramunu na mate di parporangan i nada mate hara ni na marporang.

JESAYA 49:15

Dialusi Tuhan, ning Ia ma, “Adong ma he lupa sada ina, di anak na nitubuhonna? Dohonon ma he na so holong rohania di anaknia sandiri? Haru pe sugari lupa ina di dakdanakna tapi Au Tuhan, tu hamu nada ra lupa.

JEREMIA 19:9

Hobuhon ni musu ma kota on jana manggogo ma halahi mamunu halakna. Hara ni jebuna panghobukna i jabat marsipanganan angka jolma na di bagasan kota i, salang angka dakdanakna sandiri pe tehe panganonna.”

ANDUNG 2:11

Marbosoli matangku hara ni na so mantak tangis, marhancit tondingku songon na dihoris. Loja au holosan paida-ida haruruncur ni bangso i, na baru sorang dohot dakdanak marompasan di dalan ni kota i.

ANDUNG 2:20

Ligi ma ale Tuhan, pareso ma angka na niparkancitanMi! Dipangan ina do anak haholongan ni rohana, malim dohot panurirang hona bunu di Bagas Ni Debata.

ANDUNG 3:48

Mabakbak ilu ni matangku, hara ni na hona hasegoan bangsongku.

ANDUNG 4:3

Salang induk ni sorigala, dipasusu do anakna, hape anggo bangsongku na kejam do tudos songon pambaen ni unggas unto di halongonan.

JEHESKIEL 5:10

Panganon ni ama-ama ma dakdanakna sandiri jana dakdanak mangankon simatobangna. Songon i ma uhumanKu halahi, jana na tinggal i paserahonKu sun tu dia.

HAMALIMON 26:29

Gabe tangkuraparon ma hamu, pola panganonmunu anakmunu sandiri.