Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?
Dung i hudok ma, “Diboto Ho do ale Tuhan. Ingot ma au jana urupi. Baloskon ma tu halahi na manyosak au. Ulang mabahattu sobarMu maradopkon halahi gabe sanga lalu dibunu halahi au. Ingot ma antong, hara ni Ho do da umbaen na marlayas au.
Jadi hara ni i, muda dung dilehen Tuhan Debatamunu tano i tu hamu, jana dung aman hamu sian sasude musu na maringanan humaliang hamu, angkon bunuonmunu do sude halak Amalek i lopus nada ingoton ni sanga ise be halahi. Ulang hamu lupa disi!”
Nada ra Tuhan mangampuni jolma na songon i. Tapi rimas ni Tuhan na marpiar-piar do manutung halakna i jana ampe ma sude parmaraan na tarsurat di bagasan buku on tusia, lopus abis ia baenon ni Tuhan.
Pasahaton ni Tuhan angka raja ni halahi tu bagasan kuasomunu. Bunuonmunu ma halahi, jana halupahonon ma halahi saulahon. Sada halak pe nada adong na tarbaen mangambati hamu; sandok halak angkon abiskononmunu.