ANDUNG 3:56 - BIBEL JAMITA NA DENGGAN

^56-57 Gomos pangidoanku ulang be da tulak au. Jadi gabe ditangihon Ho pangidoanki jana didok Ho, ‘Ulang ho mabiar.’

ANDUNG 3:56 ပူးပေါင်းရင်းမြစ်များ

2 JUJUR TAON 33:13

Dipatulus Tuhan ma tangiang ni si Manase i jana dipaulak ma ia tu Jerusalem anso mamarenta mangulahi. Jadi hara ni na masa i gabe pos ma roha ni si Manase bahaso Tuhan do hape Debata.

2 JUJUR TAON 33:19

Di bagasan Buku Sejarah Ni Panurirang-panurirang disuratkon muse do tangiang ni si Manase dohot alus ni Debata tu tangiangnia i, songon i ma barita salaho tu angka dosania painte so muba rohania, angka inganan parsombaan ni gana-ganaan dohot angka patung ni Debata Asera na nibaennia, angka gana-ganaan na nisombania.

JOB 34:28

Patunda ni halahi gabe holsoan angka na pogos, ditangihon Debata andung-andungna.

MASMUR 3:4

Pio-pio au tu Ho ale Tuhan, sian dolokMu na badia dialusi Ho au.

MASMUR 34:6

Pio-pio halak na sapot bagian, dialusi Tuhan do i, jana dipaluaSa sian sasude pardangolanna.

MASMUR 5:2

Pio-pio do au tu Ho urupi ma au, o Rajangku jana Debatangku.

MASMUR 5:3

O Tuhan, pangidoanku tu Ho muda manyogot sai tangihon ma tangiangku, di na maroban haul au tarpainte do au Tuhan di alusMu.

MASMUR 55:1

Ale Debata, tangihon ma tangiangku, ulang mandao Ho sian pangidoanku.

MASMUR 55:18

BoanonNia do au mulak di bagasan hahorasan, sian parporangan mangalo musu na bahat.

MASMUR 55:2

Tangihon jana alusi ma au, maloja au hara ni hasusaanku.

MASMUR 66:19

Hape madung ditangihon Tuhan au, diparrohahon Ia do pangidoanku.

JESAYA 38:5

“Kehe ma ho jana dok ma tu si Hiskia: Songon on do hata ni Tuhan, Debata ni si Daud, ompumunu i: Madung Hubege tangiangmu jana Huida ilu ni matamu. Sapetona paginjangonKu dope ngolumu lima bolas taon nari.

DANIEL 9:17

Ale Debata, tangihon ma tangiang dohot pangidoankon. Pasuang ma bagasMu na dung sego i; padenggan ma i anso sude halak umboto Ho do Debata.

SURAT NI SI PAULUS TU PARLAGUTAN ROM 8:26

Laing songon i do Tondi Ni Debata, na ro do i mangurupi hita di hagaleanta. Angke anggo hita nada taboto sanga na tarbia sapatutna hita martangiang. Tapi Tondi i sandiri do mangadop tu Debata laho mangidohon di hita sian lungun ni roha na so tarhatahon jabat nada tuk hata pajojorkonsa.