ANDUNG 3:40 - BIBEL JAMITA NA DENGGAN

⁴⁰ Denggan ma da hita tangkasi ngolunta jolo, jana mulak ma hita tu Tuhan Debatanta.

ANDUNG 3:40 ပူးပေါင်းရင်းမြစ်များ

2 JUJUR TAON 30:6

Hara ni parenta ni raja i dohot angka pagawena, disuru ma angka utusan tu sude Juda dohot Israel laho maroban angka surat i, songon on ma hatana, “Hamu halak Israel! Madung malua hamu sian kuaso ni halak Asur. Saonnari sai mulak ma hamu tu Tuhan, Debata na nisomba ni si Abraham, si Ishak dohot si Jakob, anso mulak muse Ia tu hamu.

2 JUJUR TAON 30:9

Muda dirohahon hamu Tuhan, gabe maribo ni roha ma angka halak na maroban koum sisolkotmunu tu habuangan i jana suruonna ma halahi mulak mangulahi. Debata na burju jana paribo roha do Tuhan Debatamunu i; ParrohahononNia do hamu muda diparrohahon hamu Ia.”

MASMUR 119:59

Madung hutimbangi pangalahongku, jana marjanji giot oloanku paraturanMu.

MASMUR 4:4

Padiar ma muruk hamu, tapi ulang be mardosa. Haru pe muruk ho simpan ma i di bagasan rohamu sajo jana pahusor-husor ma i di na payak ho modom di na buni borngin ni ari.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JEHESKIEL 18:28

Madung diboto ia torang sude pangalahonia lalu mantak ia mambaen dosa. Jadi di na songon i nada mate be ia, tapi tongtong noma mangolu.

HOSEA 12:6

Debata i ma Tuhan, Debata Na Markuaso i. Tuhan do goarNa. Marhite goar i ma dihagioti rohaNia maribadat halak tuSia.

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

1 KORINTUS 11:28

Jadi angkon marsipareso dirina ma jolo, dung i pe anso tola ia mangan roti dohot minum anggur i.

1 KORINTUS 11:31

Tapi muda jolo tapareso dirinta, nada pola uhumon ni Debata hita.

2 KORINTUS 13:5

Uji hamu ma dirimunu sanga na togu do haporsayaanmunu! Tangkasi hamu ma dirimunu sanga na so porsaya hamu di dirimunu paboa na tutu do Jesus Kristus maringanan di bagasan hamu! Harana muda nada songon i nada tahan hamu niuji.

PANGARATAION 4:30

Muda di bagasan hasusaan hamu, jana timpal sude parmaraan i tu dirimunu, gabe mulak tu Tuhan ma hamu ujungna jana oloanmunu ma Ia.