ANDUNG 3:39 - BIBEL JAMITA NA DENGGAN

³⁹ Biasi angkon sai holsoan hita muda diuhum hita hara ni angka dosanta?

ANDUNG 3:39 ပူးပေါင်းရင်းမြစ်များ

2 RAJA-RAJA 3:13

“Aha urusanku tu ho?” ning si Elisa tu raja ni halak Israel i. “Tu angka panurirang ni amangmi ma ho kehe.” “Nada!” ning si Joram mangalusi. “Angke na nisangkap ni Tuhan do laho pasahatkon hami na tolu tu raja Moab.”

2 RAJA-RAJA 6:32

Jadi disuru raja i ma sada halak manjoloi ia tu bagas ni si Elisa. Topet do di bagas si Elisa di hatiha i rap dohot angka pangituai ni rayat na ro tusi. Dompak so lalu dope suruan ni raja i tu bagas i, didok si Elisa ma tu angka pangituai ni rayat i, “Ligi hamu ma! Disuru sibunu jolma i do halak laho mamunu au. Muda lalu naron tuson halakna i tutup hamu pintu i, ulang paloas hamu masuk. Ro do ihut di pudinia raja i sandiri.”

2 RAJA-RAJA 6:33

Inda jabat sidung dope si Elisa na mandok hata i, ma lalu raja i disi jana didok ma, “Tuhan do mambaen hasusaan on tu hita! Jadi aha dope he gunana arop rohangku di pangurupiNia?”

ESRA 9:13

Madung mardosa hami maradopkon Ho jana hami langgar uhumMu, jana madung diuhum Ho hami. Tapi hami boto do, ale Debatanami, nada songon borat ni na patut jagitonnami uhuman na nilehenMu, dipalua Ho muse dope hami.

JOB 11:6

Jana dipaboa Ia ma nian tu ho, na bahat do suhi ni habisuhon, jana na so haastuan jolma. Jadi botoonmu ma sugari na so sadia do dangolmi, martimbangkon uhuman na patut tanggungonmi.

JOB 15:13

muruk ho tu Debata jana mangalosa.

MASMUR 107:17

Adong ma i na marhancit hara ni angka dosana, jana hona siksa hara ni angka hasalaanna.

PODA 19:3

Adong do halak na manyegohon dirina hara ni haotoonna, dung i Tuhan ma dipasala ia.

JESAYA 51:20

Di suhi-suhi ni ganop dalan, martinggangan angka anakmu abis be gogona. Songon ursa na hona jorat di bagasan tirangkap, taraso di halahi muruk ni Tuhan na santak.

JEREMIA 10:19

Mangangguk ma halak Jerusalem, “Banga do bugangnami jana nada be tarpamalum. Najolo hami ambang do tartaon hami parkancitan on, hape aha soada.

JEREMIA 30:15

Ulang be humolos hara ni angka bugangmu angke na so siaropon ni roha be ho malum. Songon i ma baenonKu hona uhum hamu hara ni bahat ni dosamu dohot godang hasalaanmu.

ANDUNG 3:22

Hot do manongtong holong dohot asi ni roha ni Tuhan,

HAMALIMON 26:41

gabe Hualo halahi jana Huusir halahi tu habuangan di luat ni musu ni halahi. Di pudi dung tunduk angka pomparanmu jana dung mardalan uhuman hara ni dosa dohot pangaloon ni halahi,

HAMALIMON 26:43

Tapi angkon jolo rumar do tano i dibaen pangisina, anso tarbaen sonang maradian. Jana bangsongKu angkon mandalani sude uhuman na hona tu halahi hara ni na so ra halahi mangihutkon angka tonangKu dohot parentangKu.

MIKA 7:9

Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.

BILANGAN 11:11

Dung i didok si Musa ma tu Tuhan i, “Biasi ma he songon i murukMu tu au Tuhan? Adong he na so jop be rohaMu mida au? Biasi dilehen Ho tanggung jawab hara ni halahi tu au?

BILANGAN 16:41

Ancogotna i, marungut-ungut ma sude halahi tu si Musa dohot tu si Harun. Ninna halahi ma, “Madung dibunu hamu deba sian halak ni Tuhan i.”

BILANGAN 17:12

Dung i didok halak Israel ma tu si Musa, “Muda songon i do, marmara ma hami!

HALUMBAAN 16:9

Mosok ma jolma hara ni sun ni milasna i, gabe diburai halahi ma Debata na mangarajai angka mara i. Haru songon i pe, laing nada ra halahi pauba rohana sian angka dosa ni halahi jana nada ra halahi mamuji hasangapan ni Debata.