ANDUNG 3:30 - BIBEL JAMITA NA DENGGAN

³⁰ Haru pe dibalbal dohot hona hata, laing hita jagit ma da i sasudena.

ANDUNG 3:30 ပူးပေါင်းရင်းမြစ်များ

JOB 16:10

Maradu ngangang pamangan ni halak mangincahi au; marrongom mambalbal au jana ditampeleng dohot hurumku.

JOB 30:10

Toruk jana hagigian do au diida halahi, salang bohingku pe ditijuri.

MASMUR 123:3

Ibo ma rohaMu di hami, ale Tuhan, sai ibo ma rohaMu di hami, dibaen madung mabahattu habileannaMi.

MASMUR 69:20

Magopu pangkilalaanku hara ni tilako malu-malu, gabe putus asa noma au. Sai hujalahi do halak na maribo ni roha nian hape so adong, hulului pangapoi, hape magopo do.

MASMUR 69:9

Holong ni roha tu BagasMu pagurgurkon rohangku, incak ni halak na palayas goarMu mandondoni au.

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

MIKA 5:1

Tapi anggo ho, ale Betlehem Efrata, ho ma sada kota na ummenek di Juda! Hape sian ho ma giot pabangkitonKu sada halak na markuaso di Israel na marasal mula sian narobi.

MATEUS 26:67

Dung i ditijuri halahi ma bohi ni Jesus, dibalbali ma Ia. Adong muse ma na manampeleng Ia,

MATEUS 5:39

Tapi saonnari Au mandok di hamu: Ulang ma alo hamu halak na mambaen na so denggan tu hamu. Tapi sabalikna do! Muda ditampeleng halak hurummu siamun, laing tarehon ma ditampeleng ia hurummu siambirang i.

LUKAS 6:29

Muda ditampeleng halak sabariba hurummi, padiar muse ma ditampeleng ia hurummu na sabariba nari. Muda dirampas abitmu, lehen muse ma dohot bajumi.

2 KORINTUS 11:20

Muda diparhatoban halak hamu, sanga muda dipaksa halak jana dibuat untung sian hamu, jana sai gumincat dirina dihilala sian hamu, jana ra manampeleng hamu, sobar do hamu disi.