ANDUNG 3:24 - BIBEL JAMITA NA DENGGAN

²⁴ Hum Tuhan sajo do na adong di au, tuSia sajo do hupapos rohangku.

ANDUNG 3:24 ပူးပေါင်းရင်းမြစ်များ

1 JUJUR TAON 5:20

Ditaluhon halahi do sude jolma i, angke porsaya do angka parajurit i tu Debata jana mangido tolong tuSia do halahi; jadi dioloi Debata pangidoan ni halahi i jana dilehen ma hamonangan di halahi.

JOB 13:15

Nada parduli be di bagi aha hara ni dele ni roha! Muda giot bunuon ni Debata iba, rohana ma diSia. Tapi anggo pangalahongku angkon ampinanku di joloNia.

JOB 22:25

Baen ma da Na Markuaso i gabe seremu, dohot perakmu na ummarga di rohamu.

MASMUR 119:57

Hum Ho sajo do por ni rohangku, ale Tuhan, marjanji do au mandalankon pangajaranMu.

MASMUR 130:7

Mararop roha tu Tuhan ma hamu, o hamu bangsoNa angke sai dihaholongi Ia do hita, jana hobas do Ia paluahon hita.

MASMUR 142:5

Ale Tuhan, pio-pio au, urupi ma au, Ho do ale Tuhan, pangondingingku. Hum Ho sajo do sasudena na huporluhon di bagasan ngolungku di tano on.

MASMUR 16:5

Ho sajo do, Tuhan na gabe bagianku; sude na porlu di au, lehenonMu; di tanganMu do ngolungku.

MASMUR 31:24

Papir jana patogu ma rohaMu, sude hamu na mararop roha tu Tuhan.

MASMUR 33:18

Dijagohon Tuhan do sanga ise halak na burju mangoloi Ia, halak na mararop roha di holong ni rohaNa sapanjang.

MASMUR 42:11

Biasi marsak jana susa ho rohangku? Tu Debata noma au mararop roha, jana mandok tarimakasi mangulahi tuSia, tu Debatangku jana Sipalua di au.

MASMUR 42:5

Biasi marsak au jana susa rohangki? Tu Debata noma au mararop roha, jana mandok tarimakasi tuSia, tu Debatangku jana Sipalua au.

MASMUR 43:5

Biasi marsak jana susa ho rohangku? Mararop ni roha tu Debata noma au jana mandok tarimakasi tuSia, tu Debatangku jana Sipalua di au.

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

MASMUR 71:14

Tapi anggo au, sai marpos ni roha tu Ho do au jana jumotjot ma au mamuji goarMu.

MASMUR 73:26

Haru pe gabe gale pamatangku dohot rohangku, Ho do ale Debata hagogoonku; hum Ho sajo noma na huporluhon sudena salolot ni lolotna.

MASMUR 84:12

Ale Tuhan Na Markuaso, sai martua ma tutu sanga ise na porsaya tu Ho.

MASMUR 94:19

Di na marsak rohangku jana humasusa, Ho do mangapoi dohot pajop rohaniba.

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

JEREMIA 51:19

Anggo Debata ni si Jakob nada songon gana-ganaan i; Ia do na manompa sasudena. Tuhan Na Markuaso i do goarNia; ditodo Ia do Israel gabe bangsoNa.

ANDUNG 3:21

Tapi haru songon i pe mulak gurgur do arop ni rohangki, di na huingot pangalaho on mangulahi.

MIKA 7:7

Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.

SURAT NI SI PAULUS TU PARLAGUTAN ROM 15:12

Jana didok si Jesaya dope songon on, “Ro ma sada halak sian pomparan ni si Isai, parentaonNia ma angka bangso; mararop ni roha tuSia angka bangso i.”

PANGARATAION 18:2

Nada tola marnampuna halahi di tano, songon angka marga na asing; hasangapan ni na gabe malim ni Tuhan do bagian ni halahi songon na dung dijanjihon Tuhan humani.

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.