ANDUNG 3:23 - BIBEL JAMITA NA DENGGAN

²³ mulak imbaru do i ganop manyogot; songon parbincar ni mataniari do habonaran ni Tuhan.

ANDUNG 3:23 ပူးပေါင်းရင်းမြစ်များ

MASMUR 146:6

Ia do na manompa langit, tano dohot laut maradu isina, na tontong setia ro di salolot ni lolotna.

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

MASMUR 36:5

O Tuhan, sagincat ni langit holongMu na manongtong i, jana haburjuonMu manyalpui angka ombun i.

MASMUR 36:6

HadenggananMu marsijongjong songon gincat ni dolok, jana hatigoranMu songon bagas ni laut. Jolma dohot angka binatang, dipasari-sari Ho do, ale Tuhan.

MASMUR 89:33

Tapi anggo si Daud hot do holong ni rohangKu tusi, janjingKu na tusia sai na patulusonKu do i.

HARURUAR 34:6

Dung i mardalan ma Tuhan mamolus sian jolo ni si Musa jana pio-pio, “Au, Tuhan, Au do Debata parholong jana paribo roha. Na gok holong do Au, setia jana na lambok.

JESAYA 33:2

Tuhan, ibo ma rohaMu di hami, marpos ni roha tu Ho do hami. Sai jagohon ma hami sian ari tu ari jana palua ma hami di hamamasa ni hasusaan.

ZEPANYA 3:5

Tapi na tigor do anggo Tuhan di tonga-tonga ni halahi, nada unjung dibaen Ia hakejamon, na so unjung dihalupahon di hatiha manyogot. Tapi halak na kejam nada mamboto hahaila.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

IBRANI 10:23

Togu ma hita marsitiopan tu arop ni rohanta na dung taoku i angke haposan do Debata, patulusonNia do janjiNia.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.