ANDUNG 3:11 - BIBEL JAMITA NA DENGGAN

¹¹ Diayak Ia do au lopus manyimbil sian dalan, jana disuakkon dagingku jubakjabik, lalu ditadingkon Ia songon i.

ANDUNG 3:11 ပူးပေါင်းရင်းမြစ်များ

JOB 16:7

Debata do mambaen abis gogo iba, disintakkon do sude isi ni bagasniba.

MASMUR 143:4

Madung talu semangat au, angke madung mandele situtu au.

MASMUR 50:22

Parate-atehon jana ingot hamu ma, hamu angka na dung lupa tu Debata, jago ma hamu anso ulang jabat hona pusa, jana nada adong be na mambaen malua.

JESAYA 3:26

Markutondo ma halak jana mangandungi di angka horbangan ni kota, jana kota i pe tudos ma tu anak boru na nipasalang na juguk di tano.

JEREMIA 15:3

Au Tuhan, madung Hutontuhon opat pangalaho na jorbut giot masa tu halahi; marmatean ma halahi di parporangan, sarat-saraton ni anjing ma bangke ni halahi, papanganan ni unggas jana pangabison ni binatang panyoro.

JEREMIA 19:8

BaenonKu hamamago na mansai jorbut tu kota on, anso sude halak na mamolus sian i tarsonggot jana mangupir.

JEREMIA 32:43

Manobusi kobun noma jolma di luat on, songon na nidokmunu: Inganan na gariang do tano on, jana nada diingani jolma dohot binatang; i ma na dung dilehen tu halak Kasdim.

JEREMIA 5:6

I ma dalanna gabe soroon ni singa na sian harangan halahi, jana diparsuragehon ni sorigala na sian padang halongonan. Humadeap ma angka angguliman manjalahi soroanna di bagasan angka kota ni halahi, jana sanga ise na ruar sian bagasna soroanna noma i. Patunda ni na dung bahat do halahi mardosa umbaen na tarjadi sudena i, jana marpupu halahi manghudukkon Debata.

JEREMIA 6:8

O hamu halak Jerusalem gabe pangajaran ma nian tu hamu sude hasusaan i! Ulang jabat Hutadingkon hamu jana kotamunu i nada diingani halak.”

ANDUNG 1:13

Dipaijur Ia api sian langit na manutungi holi-holingku lopus mangampir. Di taon Ia jorgong di jolongku na mambaen au madabu. Lalu dipadiar au disi marhancit torus sasadari.

ANDUNG 3:10

Songon gompul Ia painte-intehon au, songon singa Ia mangadang dalanku.

DANIEL 7:23

On ma hatorangan na dapot au, “Binatang na paopatkon i, i ma harajaan na paopatkon na giot jongjong di tano on, jana asing do i sian angka harajaan na asing i. Giot segohonon jana bonduton ni harajaan i do sude portibi on jana dege-degeonnia teba-tebania i.”

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

MIKA 5:8

Taluhonon ni Israel ma angka musuna jana roncohononna i sudena.

MATEUS 23:38

Anggo on angkon tinggalkonon ma angka bagasmu, gabe mamolngit.

HALUMBAAN 18:19

Dung i disampakkon halahi ma abuan tu ulu ni halahi di na pio-pio, tangis jana mangandungi halahi, ninna halahi ma, “Marjaya, marjaya ma kota na godang i, angke markite-hite sinadongannia gabe mamora sude angka nampuna kapal di laut! Di bagasan sajom do ia abis!”