ANDUNG 2:3 - BIBEL JAMITA NA DENGGAN

³ Di bagasan parpiar ni murukNa, gogo ni Israel diponggolkon Ia. Taran ro musu mangaroro, nada ringkot rohana mangalehen pangurupiNia. Songon api na manggasa-gasa mangabisi sasudena, songon i ma Tuhan muruk tu Israel.

ANDUNG 2:3 ပူးပေါင်းရင်းမြစ်များ

2 JUJUR TAON 34:25

Ditadingkon halahi do Au jana kehe halahi marsomba tu angka debata na asing. Pasunggul-sunggul muruk do Au tu Jerusalem, jana nada ra mombun murukKi.

JOB 16:15

Mamake abit goni ma au tanda ni hamarsahan, jana juguk di abuan hara ni hataluan.

MASMUR 132:17

Sahalak sian pomparan ni si Daud baenonKu gabe raja, patoguonKu ma pangarajaionnia.

MASMUR 74:11

Biasi nada diurupi Ho be hami? Biasi nada diantoi Ho be hami?

MASMUR 75:10

TipulkononNia ma hagogoan ni parjahat, hape anggo halak na burju mur margogo ma.

MASMUR 75:5

Jana tu halak parjahat anso ulang be sai manggakgak. Ulang manggodang diri sanga mandok hata ginjang ni roha.”

MASMUR 79:5

Ale Tuhan, torus noma lakna Ho muruk, jana sai marapi purun hamumurukMu?

MASMUR 89:24

Bonar do Au tongtong jana hot manghaholongi ia, jana Hulehen hamonangan tusia.

MASMUR 89:46

O Tuhan sadia honok nari Ho martabuni? Intap ni andigan murukMu marsigorgor songon api?

JESAYA 1:31

Songon durame na puntung dibaen gurasa ni api, songon i muse ma angka halak na markuaso luntahon ni angka pambaenan ni halahi sandiri, jana nada adong na tarbaen mangantak haroroncona i.

JESAYA 42:25

Jadi gabe disombabkon Ia ma rimas ni rohaNia tu hita, jana dipamasa Ia porang na mambaen hita susa. Marsigorgor do murukNia pangabiskon halahi, hape nada i taboto jana nada marsiajar hita sian na tarjadi.

JEREMIA 21:14

Tapi uhumanKu ma ho patunda ni parbuatanmu. SurbuonKu ma bagas godangmi, jana puntung muse ma sandok na adong di Humaliangna. Au Tuhan, madung mandok songon i.”

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

JEREMIA 48:25

Madung diripukkon gogo ni Moab, jana disargehon kuasona. Au Tuhan, madung mandok songon i.”

JEREMIA 7:20

Au Tuhan Debata, padondonkononKu ma murukKu na jorbut i tu bagas paribadatan on, tu jolma dohot tu binatang dohot tu suan-suanan dohot tu suha ni tano. Marjimbur-jimbur ma murukKu songon api na so haintopan.”

ANDUNG 1:13

Dipaijur Ia api sian langit na manutungi holi-holingku lopus mangampir. Di taon Ia jorgong di jolongku na mambaen au madabu. Lalu dipadiar au disi marhancit torus sasadari.

ANDUNG 4:11

Palalu hosom ma Tuhan tu Sion, kotaNa i disurbu Ia lopus mangornop tu tano i.

JEHESKIEL 13:13

Didok Tuhan Debata i ma, “Di bagasan rimasKu, paroonKu ma halingsungsung, udan potir dohot ambolas laho mangaloha tembok i.

JEHESKIEL 7:14

Mangkuling ma sarune, dung i markobas ma sude halak. Tapi sahalak pe nada adong na kehe tu galanggang ni parporangan, angke sude jolma do didondoni rimas ni Debata.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

LUKAS 1:69

Dilehen Ia do di hita tanduk haluaan, di bagasan pomparan ni si Daud, naposoNia.

LUKAS 3:17

Madung rade Ia mamiari, laho paiaskon eme sian lapung. PalagutonNia ma eme tu talobat, tapi anggo lapungNa i tutungonNia ma tu api na so ra mintop!”

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.