ANDUNG 2:20 - BIBEL JAMITA NA DENGGAN

²⁰ Ligi ma ale Tuhan, pareso ma angka na niparkancitanMi! Dipangan ina do anak haholongan ni rohana, malim dohot panurirang hona bunu di Bagas Ni Debata.

ANDUNG 2:20 ပူးပေါင်းရင်းမြစ်များ

2 JUJUR TAON 36:17

Digorakkon Tuhan ma roha ni raja ni Babel anso mamorangi halahi. Dibunu raja i ma doli-doli ni halak Juda, dohot ma i na di bagasan Bagas Ni Debata. Sada halak pe nada adong na ibo rohania midasa, na matobang sanga na poso, halaklahi sanga dadaboru, na marnyae sanga na horas. Dipasahat Debata do halahi sudena tu raja ni Babel i.

MASMUR 78:64

Jorbut do dibaen mamunu angka malimna, nada tarbaen tangis, angka na mabaluna i.

HARURUAR 32:11

Tapi dielek-elek si Musa do anso mombun roha ni Tuhan, Debatania i, didok ia ma, “Biasi ma he jabat songon i murukMu tu bangsoMu na dung diobanMi ruar sian Mesir mardongan hagogoon na tarlobi rap dohot tangan na gogo situtu?

JESAYA 22:2

Sude kota marsurak-surak gok hariburon dohot jop ni roha. Angka tentaramunu na mate di parporangan i nada mate hara ni na marporang.

JEREMIA 19:9

Hobuhon ni musu ma kota on jana manggogo ma halahi mamunu halakna. Hara ni jebuna panghobukna i jabat marsipanganan angka jolma na di bagasan kota i, salang angka dakdanakna sandiri pe tehe panganonna.”

JEREMIA 21:7

Ho dohot angka pagawemu maradu angka jolma na malua sian parporangan, tangkuraparon dohot nyae masa, padiaronKu sudena i hona tangkup baenon ni Raja Nebukadnesar dohot baenon ni angka musu na giot mamatehon ho. Bunuon ni si Nebukadnesar ma hamu sude nada adong ampunan dohot ibo ni rohana. Au Tuhan, mandok songon i.”

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

ANDUNG 1:19

Hupio do angka donganku hape nada ra halahi mangurupi au. Angka malim dohot pamimpin ni bangso manjalahi panganon laho paudut ngolu hape mate do halahi sudena di angka dalan ni kota.

ANDUNG 4:10

Jorbut ma da parmaraan i na mandondoni bangsongki; salang angka ina parroha na lambok dilompa ia noma anakna sandiri baen pangisi ni butuhana.

ANDUNG 4:13

Tapi madung tarjadi na songon i, hara ni dosa ni angka malim dohot panurirang. Manduruskon mudar do halahi, mudar ni halak na so marsala muse do i.

ANDUNG 4:16

Nada be diparrohahon Tuhan bangsoNia, Ia sandiri do paserakkonsa, dohot mambaen angka malim nada be mararga; angka pamimpin nada adong mangkaholongisa.

JEHESKIEL 5:10

Panganon ni ama-ama ma dakdanakna sandiri jana dakdanak mangankon simatobangna. Songon i ma uhumanKu halahi, jana na tinggal i paserahonKu sun tu dia.

JEHESKIEL 9:7

Didok Debata ma tu halahi, “Ramuni hamu ma Bagas Na Badia i! Gohi hamu ma bangke di angka alamanna i. Pungka hamu ma!” Jadi halahi pe mamungka ma dibunui halahi angka jolma na di kota i.

HAMALIMON 26:29

Gabe tangkuraparon ma hamu, pola panganonmunu anakmunu sandiri.

PANGARATAION 9:26

Gabe hutangiangkon ma songon on, ‘O Tuhan Debata, ulang antong pusa halakMon, bangso na dung nipaluaMu jana na nitaruhonMu haruar sian Mesir mardongan gogo dohot kuaso na godang.