ANDUNG 2:19 - BIBEL JAMITA NA DENGGAN

¹⁹ Pupu hamu ma tarsunggul sasaborngin laho marsurak mangido ibo ni roha ni Tuhan i. Usehon na di rohamu taringot tu dakdanakmu na malean jana na marompasan di sude pangeldohan ni dalan.

ANDUNG 2:19 ပူးပေါင်းရင်းမြစ်များ

JOB 3:24

Holsoan au gonti ni na mangan, mardabu holso au so maradian.

MASMUR 119:55

Huingot do Ho muda borngin, ale Tuhan, sai hutiop do tongtong TonaMu.

MASMUR 134:2

Angkat ma tanganmunu adop inganan na badia, jana puji ma Tuhan!

MASMUR 141:2

Jagit ma tangiangku songon haul hamonyan, tanganku na hupahortang songon haul borngin.

MASMUR 142:2

Humolos ma au tu joloNia hupatorang sude angka hasusaanku tuSia.

MASMUR 142:3

Di hatiha mandele rohangku diboto Ho do sanga aha noma na angkon baenonku. Di dalan na angkon sibolusonki ditaon musu i do jorat di na buni maradopkon au.

MASMUR 28:2

Tangihon ma pangidoanku, muda huangkat tanganku adop BagasMu.

MASMUR 42:3

Arian na borngin sai tangis do au, hum ilu-ilu noma balanjongku. Ari-arion do sai sapa-sapa musungku, “Di dia ma he Debatamu?”

MASMUR 42:4

Malala ate-atengku muda huingot hatiha na salpu, di na mardalan tu Bagas Ni Debata rap dohot halak na bahat au. Mardalan di jolo ni barisan i ma au, mardongan surak-surak dohot ende pamujian.

MASMUR 42:8

Sai dipatuduhon Tuhan ma nian holong ni rohaNa na mamanjang di hatiha torang ni ari, anso tarbaen au marende di bornginna i, jana martangiang tu Debata haroroan ni ngolungki.

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

MASMUR 63:4

Mandok tarimakasi do au tu Ho salolot au mangolu, angkatonku ma tanganku lalu martangiang tu joloMu.

JESAYA 26:9

Muda borngin, sai Ho do dihalungunkon rohangku. Di manyogot pe, Ho do dihalungunkon tondingku. Muda manguhumi Ho sanoli on, tandaon ni na mangingani tano on ma hatigoranMu.

JESAYA 51:20

Di suhi-suhi ni ganop dalan, martinggangan angka anakmu abis be gogona. Songon ursa na hona jorat di bagasan tirangkap, taraso di halahi muruk ni Tuhan na santak.

JEREMIA 14:18

Muda kehe au tu padang, huida ma angka bangke na nipangan ni porang. Di bagasan kota huida parkancitan; angka jolma na giot mate malean. Didalankon panurirang dohot malim langgamanna so diboto sanga aha na nipambaenanna.”

JEREMIA 9:20

Hudok ma, “Tangihon ma angka hata ni Tuhan, o hamu angka dadaboru sudena! Ajarkon ma tu angka dakdanakmu ende andung, tu angka donganmu ende ni siluluton.

JEHESKIEL 5:10

Panganon ni ama-ama ma dakdanakna sandiri jana dakdanak mangankon simatobangna. Songon i ma uhumanKu halahi, jana na tinggal i paserahonKu sun tu dia.

JEHESKIEL 5:16

Abis baenonKu simpanan ni balanjomu jana padiaronKu tangkuraparon halakmu. Hilalaon ni halahi ma paniak ni na malean, songon anak ni pana na tajom na manombuk jana mamatehon ho.

MIKA 1:16

Hamu ale halak Juda, gusting hamu ma obukmunu tanda ni siluluton hara ni angka dakdanak haholongan ni rohami. Gusting obukmi lopus gundul songon unggas sipangan bangke, angke obanon noma angka dakdanakmu tu habuangan.

NAHUM 3:10

Haru songon i pe, laing dioban do Tebe tu habuangan. Di sude sirpang ni dalan dibalbali do angka anakna lopus marmatean. Angka halak na godang na disi, ditambat dohot rante jana dibagi-bagi angka na manangkup i.

MATEUS 14:25

Jadi hatiha martahuak manuk, ro ma Jesus mardalan di ginjang aek i mandapotkon halahi.

MARKUS 1:35

Ancogotna i taran golap dope ari, ngot ma Jesus. Kehe ma Ia tu balian tu inganan na lungun. Martangiang ma Ia disi.

MARKUS 13:35

Hara ni i angkon jonggor ma hamu angke nada diboto hamu sanga na andigan nampuna bagas i mulak. Sanga na andospotang, betak na tonga borngin, ra do andostorang sanga di hananaek ni mataniari.

LUKAS 6:12

Jadi manangkok ma Jesus hatiha i tu sada dolok laho martangiang. Martangiang ma Ia saborngin i tu Debata.

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.

HAKIM-HAKIM 7:19

Marayak tonga borngin, lalu ma si Gideon dohot angka dongannia i di parbatasan ni parbandaran ni musu i. Na baru margonti dope di hatiha i pangawal. Jadi diombus si Gideon dohot rombongannia i ma sarune jana dipartaporkon halahi ma angka kendi ni halahi i.

1 SAMUEL 1:15

Tapi dialusi si Hanna ma, “Nada na mabuk au da amang, nada adong minum anggur au! Na marsak situtu do au, tapi na martangiang do au paboahon pardangolanku tu Tuhan.

1 SAMUEL 7:6

Jadi marlagut ma halahi sude di Mispa. Ditimbai halahi ma aek jana diparduruskon halahi ma i gabe songon haul tu Tuhan, jana dipaudut halahi tu na marpuaso tangging sadari i. Didok halahi ma, “Madung mardosa hami tu Tuhan.” (Di Mispa ma dipungka si Samuel pasidungkon angka parkaro parsalisian ni halak Israel.)