ANDUNG 2:17 - BIBEL JAMITA NA DENGGAN

¹⁷ Madung didalankon Tuhan sangkapNia i na dung dipaingotkon Ia tu hita na salpu i. Dilantuk Ia do hita nada adong ibo ni rohaNa, dilehen Ia hamonangan di musunta. Dibaen Ia halahi marjop ni roha paida-ida hadadabunta.

ANDUNG 2:17 ပူးပေါင်းရင်းမြစ်များ

1 RAJA-RAJA 9:7

gabe paruaronKu ma bangsongKu Israel sian luat na dung Hulehen di halahi. Au pe tinggalkononKu ma bagas parsombaan na dung Hudokkon gabe inganan na dung mardohonan laho marsomba tu Au. Sanga didia pe halak Israel angkon dilayasi jana dipartatai halak.

MASMUR 35:24

Ampini ma au, angke tigor do Ho ale Tuhan Debatangku, ulang padiar musungku marsurahi tu au.

MASMUR 35:26

Padiar ma talu jana so marhatontuan sanga ise halak na sonang mida sitaononku. Padiar ma angka na gakgak i tu au marbile jana maila.

MASMUR 38:16

Ulang padiar marhasonangan musu i hara ni pardangolanku, ulang paloas manggambung halahi hara ni hataluanku.

MASMUR 89:42

Dilehen Ho hamonangan tu musuna, dipajop Ho roha ni halahi sudena.

MASMUR 89:43

Maleu dibaen Ho sinjatania, dipadiar Ho talu di porang ia.

JESAYA 14:29

O ale bangso Pilistin, madung maponggol potuk-potuk na nipake laho mamukul ho. Tapi ulang pola marjop ni roha ho, angke muda mate pe sada ulok, laing ro do ulok na jumahat manggontisa, jana manotas ma pira ni ulok jana ruar ma naga na marhabong.

JEREMIA 18:11

Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 4:28

Hara ni i marsak ma portibi golap sajo ma langit i. Madung didok Tuhan i, jana indangkon na muba be sangkapNia. Madung dibaen Ia haputusanNia jana nada sumurut be Ia hum salangka.

JEREMIA 40:3

Saonnari madung dipatulus pangalaho i, hara ni na dung mardosa bangsomu jana nada ra mangoloi tuSia.

ANDUNG 1:5

Marbungaran angka musuna hara ni na dung mangarajai ia. Tuhan mambaen ia humasusa, patunda ni bahatna dosania. Hona taban do halakna, jana dioban tu habuanganna di jolo ni musuna.

ANDUNG 2:8

Madung putus di roha ni Tuhan anso tarbaen Ia manyegohon Sion i sudena. Angka tembok dohot palas-palasna, ma pola gabe maropuk i sudena.

ANDUNG 3:43

Dikojar Ho do hami jana dibunu Ho, buni do holong ni rohaMu di bagasan na muruk Ho.

ANDUNG 4:11

Palalu hosom ma Tuhan tu Sion, kotaNa i disurbu Ia lopus mangornop tu tano i.

JEHESKIEL 5:11

Dibaen i, songon sintongna mangolu Au, ninna Tuhan Debata: Hara ni na dung dipahodar ho inganan na badiangKu marhite sude pambaenanmu na jahat jana sihagigian i, roncohononKu ma ho nada adong ampunna.

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

JEHESKIEL 9:10

Nada be ibo rohangKu mida halahi. Angkon baenonKu tu halahi sanga aha na nibaen ni halahi tu halak na asing.”

DANIEL 9:12

Tigor do pambaenanMu laing songon na nijanjihonMu tu hami dohot tu angka na markuaso di hami. Umposi do uhumMu tu Jerusalem martimbangkon angka kota na adong di tano on.

MIKA 2:3

Hara ni i didok Tuhan ma, “Marsangkap do Au laho parohon parmaraan godang tu hamu, anso ulang adong na malua sian hamu. Nada tarbaen be gakgak pardalanmu angke anggo hatiha i, i ma hatiha na marmara.

ZEPANYA 1:2

Didok Tuhan ma, “AbiskononKu ma sandok na adong di tano on,

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”