ANDUNG 2:16 - BIBEL JAMITA NA DENGGAN

¹⁶ Margoyak ni roha sude musumu mangida bohimi, dipartatai halahi do ho jana disurahi. Didok halahi, “Ma pola hami luntak kota i! Ujungna dapot ma hatiha na hami painte i!”

ANDUNG 2:16 ပူးပေါင်းရင်းမြစ်များ

MASMUR 109:2

Angke ro do parjahat dohot pargabus manyaroso au, pasarsarkon angka barita gabus salaho tu au.

MASMUR 112:10

Diida halak na jahat ma i jana milas rohana, patungaripon halahi hara ni sogo ni rohana. Gabe mago ma halahi nada adong be arop ni roha sapanjangna di halahi.

MASMUR 124:3

madung hona bondut hian hita mangolu-olu, hara ni muruk ni roha ni halahi mida hita.

MASMUR 22:13

Rap ngangang be pamangan ni halahi mangadopi au, songon singa na marngaur giot manangkup sipolgahonna.

MASMUR 35:16

Sai torus ma halahi pacia-ciahon au, manaili ma i panyogo-nyogoon.

MASMUR 35:21

Dipasala halahi do au jana pio-pio paboa na dung tardapot di halahi pangalahongku.

MASMUR 35:25

Ulang padiar halahi mandok di bagasan rohana, “Tuani ma da mate i! I ma tutu na nipangido ni rohanami i!”

MASMUR 37:12

Parjahat i martahi na jahat, jana magigi do Ia paida-ida halak na daulat.

MASMUR 41:8

Didok halahi ma, “Pasang sajo do da nyaena i, nada tarbaen mungkap be i.”

MASMUR 56:2

Sasadari sai diporangi halahi do au, bahat ma da na mamusui au mardongan ginjang ni rohana.

MASMUR 57:3

Dipalua jana dialusi Ia au sian banua ginjang; ditaluhon Ia angka halak na manyosak au. Patuduhonon ni Debata do paboa na denggan rohaNia tu au, jana na sai manghaholongi au.

JESAYA 49:19

Tanomu na mamolngit hara ni na dung maronco, saonnari masompittu di na mangingani ho. Nada tuk inganan di halahi sudena, na giot manginganisa. Angke madung kehe dao sian ho, halahi na mambaen sangkap manyegohon ho.

JEREMIA 26:6

Anggo laing tong do hamu manangkang, baenonKu do bagas paribadatan on songon na Hubaen tu Silo, lopus sandok bangso na satano on mamake goar ni Jerusalem on gabe bura.”

JEREMIA 29:18

Kojar-kojaronKu halahi marhite porang, tangkuraparon, dohot nyae masa lopus jorbut pangkilalaan ni sude bangso na satano on marnida na masa tu halahi. Siincak-incahan noma halahi jana goar ni halahi gabe songon bura.

JEREMIA 50:17

Didok Tuhan ma, “Tudos do halak Israel dohot biri-biri sahulanan na hona kojar jana na marserak dibaen singa. Mula-mulana ro ma raja ni Asur manyerang halahi, dung i ro muse ma si Nebukadnesar manyingkili holi-holi ni halahi.

JEREMIA 50:7

Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’

JEREMIA 51:34

Dironcohon jana dipangan raja ni Babel do sude Jerusalem ias dihais ia kota i lopus songon botol na rumar. Tarsongon sada binatang raksasa, dibondut ia do Jerusalem jana manggohi butuhana dohot sandok na denggan di kota i, lalu diambungkon ia teba-tebana i.

ANDUNG 1:21

Tangihon ma holos ni rohangku, nada adong be na mangapoi iba. Marmoga-moga musuniba hara ni na nibaenMu marmara iba. Paro ma da ari na nijanjihonMi; baen ma songon au marhancit halahi.

ANDUNG 3:46

Dilayasi jana dipartatai sude musunami do hami;

JEHESKIEL 23:32

Didok Tuhan Debata i ma, “Angkon inumonmu do isi ni piala ni angkangmi. Godang jana bagas do mangkuk i. Gok incak dohot bura do isina, angkon taononmu ma i sian ganop jolma.

JEHESKIEL 25:15

Didok Tuhan Debata i ma, “Dibaen halak Pilistin do pamaloson na jorbut tu musuna na dung marsundut-sundut jana marjop ni roha halahi marnida hamamago ni halak Israel.

JEHESKIEL 25:3

Suru ma bangso i manangihon sanga aha na Hudok, Au Tuhan Debata mandok tu halahi, ‘Sonang do rohamunu paida-ida inganan na badiangKu dipahodar dohot tano Israel disegohon jana halak Jahudi dioban tu habuangan.

JEHESKIEL 25:6

Mangkuling ma Tuhan Debata i, “Martopapi hamu marjop ni roha. Layas diida hamu tano Israel i.

JEHESKIEL 36:3

Hara ni i manyurirangi jana dokkon ma: Songon on ma didok Tuhan Debata. Hara ni musu na di humaliangmu, na mambaen hamu mamolngit jana na marpor ni roha tu hamu anso gabe nampuna ni angka bangso, jana madung dipahata-hata halak hamu.

JEHESKIEL 5:15

Anso sai gabe siincahan jana sipalayason dohot siparjoraan dohot habiaran di halak parbegu angka na humaliang ho, muda muruk Au jana marrimas jana Huuhumi ho di bagasan muruk marhite pincang-pincang ni harimason.

HOSEA 8:8

Songon barang na so diparhagiot halak, nada marguna be Israel, angke madung marcampur dohot angka bangso na asing.

MIKA 4:11

Madung marlagut bahat bangso laho mamorangi ho, ale Jerusalem! Pandok ni halahi, “Angkon roncohonon do Jerusalem! Idaonnami ma kota i gabe timbunan ni angka batu!”

BAENON NI ANGKA RASUL 7:54

Jadi dung dibege angka na ro tu rapot ugamo i na nipajojor ni si Stefanus i, gabe hancit ma roha ni halahi jana patungaripon ma halahi tusia.