ANDUNG 2:13 - BIBEL JAMITA NA DENGGAN

¹³ O ale Jerusalem, na ni haholongan, aha ma dohononku tu ho? Bia ma baenonku mangapuli ho? Nada adong dope jungada manaon na songon on. Nada marbatas hamamagomu songon laut na bidang, nada adong be si arophononmu.

ANDUNG 2:13 ပူးပေါင်းရင်းမြစ်များ

2 SAMUEL 5:20

Dung i kehe ma si Daud tu Baal-Perasim jana disi ma ditaluhon ia pasukan ni Pilistin i. Jana didok ia ma, “Dionjarkon Tuhan do partahanan ni musungku, songon aek magodang na mamburgat sasudena di sada ombas.” Jadi gabe digoari ma inganan i, Baal-Perasim.

2 RAJA-RAJA 19:21

madung didok Tuhan ma tu si Sanherib, “Partataan jana pabileon ni Jerusalem ma ho, Sanherib.

MASMUR 60:2

Humutur do dibaen Ho tano on lopus gabe marotak, padoMu ma na mangkahoping i, angke meol-eol tano on.

JESAYA 37:22

madung didok Tuhan tu si Sanherib, “Partataan jana pacia-ciaon ni kota Jerusalem do ho, ale Sanherib.

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.

JEREMIA 8:22

Hara ni aha do ulaning bangsongku lopus saonnari matua laing so marnamalum? Adong he di sude Gilead na so adong be pangubati dohot ubat?

JEREMIA 9:18

Sigop ma halahi ro jana tumatangis hara ni hita, anso marlinang matanta jana manetek ilunta.”

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

JEHESKIEL 32:31

Muda diida raja ni Mesir dohot tentarana i sude jolma na marmatean i di parporangan, tarapul ma roha ni halahi harana mate na dibunu ni podang do ia dohot tentarania ninna Tuhan Debata.

DANIEL 9:12

Tigor do pambaenanMu laing songon na nijanjihonMu tu hami dohot tu angka na markuaso di hami. Umposi do uhumMu tu Jerusalem martimbangkon angka kota na adong di tano on.