ANDUNG 2:10 - BIBEL JAMITA NA DENGGAN

¹⁰ Marjuguhan hatobangon ni kota Sion markutondo di tano; marsisampakkon abuan tu ginjang ni ulu, jana mamake abit goni tanda ni marsakna. Angka nauli bulung pe paunduk ulu lalu tu tano.

ANDUNG 2:10 ပူးပေါင်းရင်းမြစ်များ

2 SAMUEL 13:19

Dung i disaburkon si Tamar ma abu tu ulunia, disibak ia baju jubania i, jana kehe ma ia diholipi ia bohinia dohot tangannia dua-dua lalu tangis-tangis.

JESAYA 15:3

Mamake abit goni ma halak di dalan-dalan i tanda ni habot ni roha; di tano lapang dohot di tarup ni bagas, mangandungi jana martangisan halak.

JESAYA 3:24

Gabe muap busuk ma angka na huskus i, tali ma gonti ni bobat, ulu ni halahi na marobuk na jeges i gabe palpalon noma, angka pakean ni halahi na jeges-jeges i pe gontion ma dohot pakean na mardarang-derung; jana tihas ma gonti ni hajegeson i.

JESAYA 3:26

Markutondo ma halak jana mangandungi di angka horbangan ni kota, jana kota i pe tudos ma tu anak boru na nipasalang na juguk di tano.

JESAYA 36:22

Jadi disibakkon si Elyakim, si Sebna dohot si Joah ma pakeanna be tanda ni marsakna. Jadi kehe ma halahi paboahon tu raja i sandok na nipardokkonan ni pangarajai inumon ni Asur i.

JESAYA 47:1

“Mijur jana juguk ma ho di gincat ni orbuk, ale bujing-bujing, boru Babel! Juguk ma ho di gincat ni tano, jana nada be marhabangsa, ale boru Kasdim! Harana nada be dohonon ho na jogi jana na jeges.

JESAYA 47:5

Tu Babel, “Juguk ma ho hohom jana masuk tu hagolapan, ale boru Kasdim! Nada tandaon be ho marhite goar: ‘Ratu ni angka bangso.’

JEREMIA 8:14

“Biasi nada tabaen sanga na aha?” ninna bangso ni Debata. “Beta, mangungsi hita tu angka kota na marbenteng; padiar mate disi hita. Madung didabuhon Tuhan Debatanta hamatean tu hita; madung dilehen tu hita rasun siinumon hara ni na mardosa hita tuSia.

ANDUNG 1:1

Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

ANDUNG 1:4

Muda hatiha ari pesta nada adong be na ro tu Bagas Ni Debata. Marhancit disi angka nauli bulung parende, dohot malim pe humolos be. Nada adong halak di angka pintu ni horbangan. Kota Sion sude digohi hamarsahan.

ANDUNG 3:28

Dompak dilehen Tuhan parkancitan, juguk ma sugari hita hohom sasada iba.

ANDUNG 4:16

Nada be diparrohahon Tuhan bangsoNia, Ia sandiri do paserakkonsa, dohot mambaen angka malim nada be mararga; angka pamimpin nada adong mangkaholongisa.

ANDUNG 4:5

Na somal hian halahi mangankon na tabo-tabo, gabe mate tangkuraparon di dalan-dalan i, jana na mangolu di bagasan na marlobi-lobi, hape anggo saonnari payak-payak di sarop-sarop.

ANDUNG 5:12

Ditangkupi angka pamimpinami jana digantungi, jana simatobangnami dipalayas halahi.

ANDUNG 5:14

Nada be marlagut angka na tobang-tobang di horbangan ni kota, musik pe nada tarbege be di tonga-tonga ni na poso.

JEHESKIEL 27:30

Ditangisi halahi bagianmi humolos jana lungun mangandungi. Disampakkon halahi abu tu uluna jana margiling di abuan tanda ni arsakna.

JEHESKIEL 27:31

Hara ni ho dicukur halahi uluna mamake abit goni hara ni gok ni arsakna. Lungun noma partangis ni halahi jana diandungi halahi bagianmi.

JEHESKIEL 7:18

Marabit goni ma halahi jana humitir ma sude pamatangna i. Cukuron ma ulu ni halahi jana pailaon halahi.

JOEL 1:8

Tangis ma hamu, songon anak boru na marsak roha na tangis hara ni na matean tunangan haholongan ni rohana.

AMOS 5:13

Hara ni i halak na marpikir, sip do ia di hatiha i, harana hatiha na jahat do hatiha i.

AMOS 8:13

Pingsan ma angka doli-doli di hatiha i hara ni na manguas.

AMOS 8:3

Gabe partangisan noma angka ende-ende na di bagas godang anggo di ari i. Marragean angka bangke sap ro di dia, angka na diambungkon sip-sip.”

JUNUS 3:6

Di na tarbege tu raja ni Ninive barita i, manigor mijur ma ia sian habangsania. Dibuka ia ma baju harajaonnia i jana dipake ia ma abit goni, lalu juguk ma ia di abuan.

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.

HALUMBAAN 18:19

Dung i disampakkon halahi ma abuan tu ulu ni halahi di na pio-pio, tangis jana mangandungi halahi, ninna halahi ma, “Marjaya, marjaya ma kota na godang i, angke markite-hite sinadongannia gabe mamora sude angka nampuna kapal di laut! Di bagasan sajom do ia abis!”