ANDUNG 1:3 - BIBEL JAMITA NA DENGGAN

³ Mardangol sun ma da halak Juda i, dipaksa halahi manadingkon tanona i jana gabe diparhatobani. Saonnari maringanan di tonga-tonga ni angka bangso noma halahi nada inganan na tumbuk baen parmianan di halahi. Dihobuk musu halahi jana nada margeldok be i.

ANDUNG 1:3 ပူးပေါင်းရင်းမြစ်များ

2 RAJA-RAJA 25:11

Dung i dioban si Nebusaradan muse ma tu Babel angka jolma na tinggal di Jerusalem, i ma teba-teba ni halak na malo dohot angka halak na dung marbalik tu pihak ni Babel.

2 RAJA-RAJA 25:21

na di Luat Hamat. Disambok ma halahi disi lalu dibunu. Songon i ma angka halak Juda i dioban sian tano ni halahi tu habuangan.

2 RAJA-RAJA 25:4

Laing di hatiha i muse ma ditapor musu tembok ni kota i. Borngin i, haru pe na hona hobuk kota i, maporus ma raja i dohot tentara ni Juda sude kehe tu Rura ni Jordan. Mamolus sian dalan na manyalpui kobun bagas godang i ma halahi, lalu ruar sian horbangan na padomuhon tembok na dua na disi.

2 RAJA-RAJA 25:5

Tapi dikojar tentara ni Babel i ma Raja Zedekia jana tartangkup ma ia di napa ni Jeriko. Kehe ma sude parangannia i manadingkon ia.

JEREMIA 13:19

Hona hobuk do angka kota ni Juda na di Selatan, jana nada adong na tarbaen luncat sian panghobuk ni musu i. Madung diayak sandok halak Juda tu habuangan.”

JEREMIA 16:16

Didok Tuhan ma, “Giot piohononKu bahat halak parihan laho manangkupi angka jolma on. Dung i piohononKu ma bahat halak parburu laho marburu halahi di sandok dolok dohot partoran, dohot di angka liang ni dolok batu.

JEREMIA 24:9

Giot baenonKu ma halahi gabe marjaya, lopus gabe mabiar sandok bangso na adong di tano on. Sanga na di dia angkon Hupaserak halahi, siincak-incahan halahi, sipartataan jana sipargonjak-gonjakkonon. Songon hata bura do goar ni halahi.

JEREMIA 39:9

Ujungna angka rayat na tinggal dope di kota i dohot angka halak na dung sanga lari tu pihak ni halak Babel, dioban si Nebusaradan komandan ni tentara ni Babel i ma halahi tu Babel.

JEREMIA 52:15

Dung i angka rayat na laing tinggal di kota i, i ma angka parkarejo na malo-malo na teba i, rap dohot angka jolma na dung maporus tu pihak ni halak Babel, dioban si Nebusaradan ma i tu Babel.

JEREMIA 52:8

Tapi diayak tentara ni Babel i do Raja Zedekia, jana ditangkup ma ia di napa ni Jeriko. Marlojongi do sude anak buania i manadingkon ia.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

ANDUNG 4:15

Didok halak ma, “Morot ho sian on! Ramun do hamu, ulang dais tu hami on!” Gabe mompas-ompas ma halahi sian bangso tu bangso, jana nada adong sanga ise na marhagiot.

ANDUNG 5:5

Songon dorbia, dipaksa hami karejo na borat, loja hami, hape nada tola maradian.

JEHESKIEL 5:12

Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.

PANGARATAION 28:48

Hara ni i ma gabe angkon mangoloi ho tu angka musu na giot sitongoson ni Tuhan laho mangalo ho. Tangkuraparon, manguas jana marsaemara ma ho – hurangan di sasudena. Kejam baenon ni Tuhan manyosak ho lopus abis ho.