ANDUNG 1:15 - BIBEL JAMITA NA DENGGAN

¹⁵ Layas do sude diida Tuhan ulu balangku na garang i. Ditongos Ia tentara anso mate sude sian au doli-doli. Dipisat Tuhan do bangsongku lopus maropuk, songon pambaen ni halak na mamoro anggur.

ANDUNG 1:15 ပူးပေါင်းရင်းမြစ်များ

2 RAJA-RAJA 9:33

Didok si Jehu ma tu halahi “Dabuhon hamu i tu toru!” Didabu halahi ma si Isebel jabat mamincar mudarna i tu dingding dohot tu kudo i. Dung i digilingkon si Jehu ma bangke ni si Isebel i dohot kareta kudonia i.

MASMUR 119:118

Ditulak Ho do halak na manyimbil sian hatontuanMu, sayang boti do sangkap ni halahi na gok tipu.

JESAYA 28:18

Soadahonon ma parjanjianmunu dohot hamatean, jadi muda ro parmaraan, hona noma hamu.

JESAYA 41:2

Ise dehe na marsuru ia ro sian Habincaran i, na marsuru ia na mandapot hamonangan di sude langkana, na pataluhon angka bangso dohot raja-raja? Podangnia mambaen halahi songon abu, jana panania mambaen halahi songon durame na nipurpuran.

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JESAYA 63:3

“Huporo angka bangso songon anggur, nada adong na ro mangurupi. Sasada Au do mangkarejohonsa; di bagasan murukKu Hudege-dege halahi. Mamincar mudarna i, mangaehi bajungKi, pahodarkon sude pakeanKi.

JEREMIA 13:24

SarsarkononKu ma hamu songon lapung na niombus ni alogo sian padang halongonan.

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

JEREMIA 18:21

Hara ni i, padiar ma mate tangkuraparon angka dakdanak ni halahi sanga mate dipangan podang. Padiar ma angka dadaboru ni halahi agoan halaklahi dohot dakdanakna; padiar ma marmatean angka halaklahi baenon ni nyae masa jana angka doli-dolina marmatean di parporangan.

JEREMIA 37:10

Haru pe umpamana ditaluhon hamu sude tentara ni Babel i lopus tading hum angka jolma na margasai di bagasan angka bandar ni halahi, laing jongjong do halahi manyurbu sude kota on.”

JEREMIA 50:26

Porangi hamu ma Babel sian sudena jana bungkar hamu ma angka gudang panyimpanan ni gandumna! Palagut hamu ma angka barang-barang na dirampas i songon na palagutkon gandum! Abiskon hamu ma luat i! Ulang jabat adong na teba!

JEREMIA 51:34

Dironcohon jana dipangan raja ni Babel do sude Jerusalem ias dihais ia kota i lopus songon botol na rumar. Tarsongon sada binatang raksasa, dibondut ia do Jerusalem jana manggohi butuhana dohot sandok na denggan di kota i, lalu diambungkon ia teba-tebana i.

JEREMIA 6:11

HamumurukMu pe tu halahi manginona tu au do Tuhan, borat do laho manahansa. Dung i didok Tuhan ma, “Palalu ma hamumurukKi tu angka dakdanak di angka dalan godang dohot tu angka doli-doli na marlagut-lagut. Ripe-ripe halak angkon obanon ma tu habuangan, jana halak na dung matobang pe nada malua.

ANDUNG 2:21

Na poso dohot na matobang marragean di dalan, na poso-nauli bulung marmatean dibaen podang. Dibuat Ho do hosa ni halahi taran na muruk Ho, disamboli Ho do halahi nada adong ibo.

ANDUNG 3:34

Muda didege-dege halak angka na di hurungan di tano on,

DANIEL 3:13

Umbege i, muruk sajo ma raja i lalu didabu ia ma parenta anso dioban sitolu halak i ro tusia.

JOEL 3:13

Na lobi do jahat ni halahi; rabi ma halahi songon gandum na matobang di ladang. Ropuk ma halahi songon anggur di pangilangan na bubung lopus masabur.

MIKA 7:10

Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

MALEAKI 4:3

Gabe dege-degeonmunu ma angka halak na jahat jana lopus songon abuan halahi dege-degeonmunu.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

HAKIM-HAKIM 10:8

Salapan bolas taon honokna sai disosak bangso na dua i sude halak Israel na maringanan di Gilead luat ni halak Amori na di Habincaran ni Batang aek Jordan. Kejam do pambaen ni halahi tu angka halak Israel i.