AMOS 9:4 - BIBEL JAMITA NA DENGGAN

⁴ Muda hona tangkup halahi dibaen musu, parentahononKu ma anso dibunu halahi. Madung putus rohangKu laho mangabisi halahi jana nada urupanKu halahi.”

AMOS 9:4 ပူးပေါင်းရင်းမြစ်များ

PAMUNGKAAN 44:21

Na nisuru ni tuan i do anso hami oban ia tuson, anso marsuo ia dohot tuan i.

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

MASMUR 34:17

Muda pio-pio halak na daulat, ditangihon Tuhan, jana dipalua Ia halahi sian sandok hasusaan.

HARURUAR 14:24

Marayak andostorang, ditatap Tuhan ma sian tiang api dohot tiang ombun i tu tentara ni Mesir jana dipasarsar Ia ma halahi.

JEREMIA 12:12

Sian ipar ni padang halongonan di dolok, marroan angka jolma laho manyamun. Huparo porang laho manyegohon sandok luat i lopus nada adong sahalak pe tarbaen mangolu di bagasan dame.

JEREMIA 21:10

Madung Huputuskon do laho mangaroncohon kota on jana nada adong pangusayangna. Pasahaton noma kota on tu raja Babel; giot surbuonnia kota on lopus abis sudena. Au Tuhan madung mandok songon i.”

JEREMIA 24:6

JagohononKu do halahi jana obanonKu mangulahi tu luat on. BangunonKu do halahi, nada rumpakononKu; na manyuan do Au, nada mangumpat halahi.

JEREMIA 39:12

“Kehe ma ho manjalahi si Jeremia jana denggan ia jagohon. Ulang hahua ia; patulus sanga aha pangidoannia.”

JEREMIA 39:16

mandok tu si Ebedmelek halak Sudan i bahaso na nidok ni Tuhan Na Markuaso i, Debata ni Israel songon on, “Songon na Hudok na salpu i, na giot paroonKu parmaraan tu kota on, jana nada hasonangan. Idaonmu do tarjadi na masa i.

JEREMIA 44:11

Jadi hara ni i, Au Tuhan Na Markuaso, Debata ni Israel, baenonKu ma hamu songon Juda jana patimpasonKu.

JEHESKIEL 5:12

Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.

JEHESKIEL 5:2

Sapartolu angkon tutungonmu ma i di tonga-tonga ni kota i dung sidung hona hobuk. Sapartolu nari angkon jaljalanmu do i dohot podangmi lalu mardalan ho manghuliangi kota i. Jana na sapartolu nari i angkon sampakkononmu do i tu awang-awang i, jana buruonKu ma i dohot podangKu.

HAMALIMON 17:10

Muda adong sahalak Israel sanga sahalak na leban na dung honok rap dohot halak Israel, mangankon juhut na marmudar dope, gabe aloon ni Tuhan ma halahi, jana nada etongon be ia sada sian halakNia.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

AMOS 9:8

Satutuna, madung dipamanat Tuhan Debata harajaan na mardosa on, jana agohononKu noma i sian sisik ni tano on. Tapi anggo pomparan ni si Jakob nada sude abiskononKu. Au Tuhan Debata madung mandok songon i.

ZAKARIA 8:10

Hatiha dompak so dapot dope ari on, nada taruli halak di gogona, jana pahan-pahanan pe songon i do, jana nada adong jolma na malua sian musuna. Harana Hubaen do halahi marbadai.