AMOS 9:2 - BIBEL JAMITA NA DENGGAN

² Haru pe mamintas halahi tu inganan ni halak na mate, tarihonKu do halahi. Haru pe manaek halahi tu langit, paijuronKu halahi sian i.

AMOS 9:2 ပူးပေါင်းရင်းမြစ်များ

JOB 20:6

Haru pe na so tardok hagodanganna, jabat lalu tu langit dohot ombun ulunia,

JOB 22:13

Hape laing manyapai dope ho, ‘Aha diboto Ia? Di balik ni ombun do Ia, bia ma he baenonNia manguhumi hita.’

JOB 24:23

Dilehen Debata disia ngolu na sonang i, tapi nada marnamantak ia dimatai.

JOB 26:6

Di adopan ni Debata, talak do inganan ni na marmatean, nada martutup gabe tangkas diSia haidaan.

JOB 34:22

Nada adong na golap sanga songon dia pe holomna, na tarbaen manabunihon halak pardosa.

JESAYA 2:19

Di haroro ni Tuhan laho manghutur tano on, marmasuhan ma halak tu bagasan angka liang di angka dolok batu sanga manghuar lubang di bagasan tano anso malua sian hamumuruk ni Tuhan dohot sian kuasoNia na marmulia i. Anggo dung dapot do ari i, tadingkononkon ma songon i sajo angka gana-ganaan perak dohot sere na nibaen ni halahi baen turpuk ni monci dohot arip-arip.

JEREMIA 49:16

Hona tipu ma ho baenon ni gakgakmu. Nada adong na mabiar mida ho songon na niambang ni rohamu. Maringanan di rigang ni batu ma ho, dao di puncut ni dolok an; tapi haru dibaen ho pe bagasmu di inganan na gincat situtu, sagincat ni asar ni unggas rajawali, paijuron ni Tuhan do ho sian i. Tuhan do mandokkon i sudena.”

JEREMIA 51:53

Haru pe tarbaen Babel mandangkit tu langit jana mambaen partahanan na gogo disi, angkon laing suruonKu do halak laho manyegohon i. Au Tuhan, madung mandok songon i.”

JEHESKIEL 26:20

Dung i Hutongos ma ho tu inganan ni na mate anso mardomu ho disi dohot jolma na sian sinarobian. Hupadiar ho manongtong di inganan ni jolma na mate i, di tonga-tonga ni hasesego na mamanjang, rap dohot halak na mate i. Gabe nada siinganan be tanomi, jana nada goaron be ho di tonga-tonga ni jolma na mangolu.

JEHESKIEL 31:14

Tarjadi pe sudena i anso ulang marginjang ni roha do angka hayu na tubu di topi ni batang aek, ulang ma dipatimbo dirina lalu tu langit jana ulang ma sai marginjang ni roha. Angke sudena i madung dipasahat tu hamatean di toru ni tano rap dohot angka jolma na dung mate.”

OBAJA 1:4

Haru dibaen ho pe bagasmu songon gincat ni asar ni unggas rajawali jana gincat ni angka bintang di langit, laing bisa Au do mangarumpakkon i.”

LUKAS 10:18

Dialusi Jesus ma, “Huida do madabu Sibolis sian langit songon hilap.