AMOS 9:13 - BIBEL JAMITA NA DENGGAN

¹³ Didok Tuhan ma, “Dapot do i hatihana, simbur sajo partubu ni gandum, gabe nada mantak hatiha ni sabion. Ompot sajo ma martumbur bona ni anggur lopus gabe torus-torusan halak mambaen aek ni anggur. Manetehi ma aek ni anggur na imbaru sian angka dolok jana mardalan ma i tu angka tor.

AMOS 9:13 ပူးပေါင်းရင်းမြစ်များ

PAMUNGKAAN 49:11

Tambatonna do anak ni halodena di bona ni anggur, di bona ni anggur na jumengkar. Basuonnia ma pakeannia dohot anggur, anggur na rara songon mudar.

MASMUR 97:5

Angka dolok maderder songon lilin di jolo ni Tuhan, di adopan ni Tuhan parkuaso ni sude portibi on,

JESAYA 16:10

Umpe adong sahalak na marjop ni roha di angka ladang na napu i. Nada adong na pio-pio sanga na marende di kobun anggur i. Nada adong na mamoro anggur laho mambaen aek ni anggur. Madung marujung surak-surak jop ni roha.

JESAYA 55:13

Gonti ni sihupi tubu ma bona ni sampinur, gonti ni latong tubu ma hayu na huskus. Songon tanda na hot na paingotkon tu rohamunu, taringot tu na dung Hubaen, Au Tuhan mambaensa di hamu.”

JEHESKIEL 28:26

Sonang do disi halahi mangolu jana pajongjongonna ma angka bagas jana baenon ni halahi ma angka kobun anggur. UhumanKu ma sude hombar balok ni halahi na dung jungada palayaskon halahi, lopus marsonang-sonang Israel. Jadi gabe botoon ni halahi ma bahaso Au do Tuhan Debata ni halahi.”

JEHESKIEL 36:35

Jadi gabe longang ma sude halak hara ni tano i na dung gasgas hian hape saonnari muba gabe Kobun Eden, jana angka kota na hona rampas humani masarsar jana gabe lobu, hape saonnari gabe angka kota na togu partahananna jana na diingani ni jolma.

JOEL 2:24

Jadi marisi gandum mangulahi pardegean; anggur dohot miak zetun marsabur-sabur di panggilingan.

JOEL 3:18

Gok kobun anggur noma angka dolok di hatiha i. Angka pahan-pahanan manjampali ma di tor na napu. Angka batang aek ni Juda nada unjung abis be aekna. Mardalan ma sada batang aek sian Bagas Ni Tuhan, jana aekanna Rura Sitim.

JOEL 3:20

Tapi anggo Juda di ingani do salolot ni lolotna jana Jerusalem marsundut-sundut.

HAMALIMON 26:5

Suha ni tanomunu gabe marlipat ganda, pola tehe dung dapot hatihana mambuat batu ni anggur, laing manyabi dope hamu. Jana dung dapot hatiha manyabur same ni gandum, laing mambuat batu ni anggur dope hamu. Gabe tuk ma panganonmunu jana sonang ngolumunu di luatmunu.

AMOS 9:5

Humutur tano jana marsak ma halak pangisina, hara ni na nigoit ni Tuhan, Debata Na Markuaso. Songon Batang aek Nil na manaek ma halahi, jana surut songon Batang aek Mesir; songon i ma halahi manaek lalu madabu.

JOHANNES 4:35

Didok hamu, ‘Opat bulan nari sabion ma.’ Tapi anggo Au mandok di hamu: tangkas ma ligi hamu tu angka ladang i. Nada he madung tarsabi i?

HAKIM-HAKIM 5:5

Di jolo ni Tuhan, Sinai, angka dolok mabiar di adopan ni Debata ni Israel, halahi pe mabiar.