AMOS 9:12 - BIBEL JAMITA NA DENGGAN

¹² Halak Israel noma markuaso di Luat Edom na teba i dohot sude angka bangso nampunangKu najolo i. Au Tuhan madung mandok songon i jana giot patulusonKu do songon i.”

AMOS 9:12 ပူးပေါင်းရင်းမြစ်များ

PAMUNGKAAN 27:29

Sai gabe naposomu ma da angka bangso na marragam, jana talu ma maradopkon ho angka marga ni bangso na asing. Sai rajaanmu ma sude angka kahanggimu jana marsomba di jolomu ma pomparan ni inangmu. Sai hona bura ma sanga ise na mamurai ho jana tarpasupasu ma sanga ise na mamasumasu ho.”

PAMUNGKAAN 27:37

Dialusi si Ishak ma, “Madung hubaen ia gabe tuanmu, jana sude kahangginia hubaen do gabe naposonia. Madung hulehen disia gandum dohot anggur. Saonnari nada adong be na tarpatupa au di ho, amang!”

MASMUR 60:8

Tapi anggo Moab inganan pamasuan ni patKu do i, tu Edom Hudanggurkon sipatungKu tanda ni na Au nampunasa. Marsurak Au surak hamonangan maradopkon Pilistea.”

JESAYA 11:14

Rap mamorangi noma halahi tu halak Pilistin na di Hasundutan jana mangarampasi angka bangso na di Habincaran. Taluhonon ni halahi ma bangso Edom dohot Moab, dohot bangso Amon pe tunduk ma tu halahi.

JESAYA 43:7

Angke bangsongKu do halahi na nipanggoarkon tu goarKu, Hutompa halahi laho pasangapkon Au, na Hubaen jana na Hujadihon!”

JESAYA 63:19

Songon dia ma na so bangsoMu be hami songon na so mamarenta be Ho tu hami.

JESAYA 65:1

Rade do Au mangajari halak na so manyapai Au. Rade do Au dumpangan ni halak na so manjalahi Au. NingKu do: “Dison do Au, dison do Au” tu bangso na so mamio goarKu.

JEREMIA 14:9

Biasi Ho songon halak na dut roha; songon halak na gogo na so malo mangurupi? Tapi di tonga-tonganami do Ho, Tuhan! Ulang ma tadingkon hami bangsoMon!’ ”

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

JOEL 3:8

GadisonKu angka anakmu halaklahi dohot dadaboru tu halak Juda, jana gadisonna muse ma i tu halak Seba, luat na dao situtu. Au Tuhan mandok songon i.

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”

BAENON NI ANGKA RASUL 15:17

anso sude halak na teba i manjalahi Tuhan, rap dohot angka bangso na asing na so Jahudi, i ma na dung Hupiohon gabe Au puna.’ Songon i ma pandok ni Tuhan i,

BAENON NI ANGKA RASUL 15:18

na dung paboahon pangalaho i sian na jolo.”