AMOS 9:11 - BIBEL JAMITA NA DENGGAN

¹¹ Didok Tuhan ma, “Dapot do i arina pasuangonKu na masa di halak Israel anso mulak gabe songon di hatiha ni Raja Daud mamarenta. Saonnari songon bagas na marumpak do halahi. Tapi padengganonKu mangulahi lopus gabe songon na salpu i.

AMOS 9:11 ပူးပေါင်းရင်းမြစ်များ

JOB 1:10

Sai dijagohon Ho do antong ia, pangisi ni bagasnia dohot sude sinadongannia. Dipasupasu Ho karejonia jana dilehen Ho disia bahat pahan-pahanan jabat tuk pakeon ni halak saluat.

MASMUR 143:5

Taringot ma di rohangku angka ari na salpu; hupasari-sari sude pambaenanMu, hupahusor-husor di bagasan rohangku sude na nipatupaMu.

MASMUR 80:12

Ale Debata, biasi dehe dirumpakkon Ho handangna i, gabe sude halak pamolus tarputiksa batuna i?

MASMUR 89:40

Dirumpakkon Ho angka tembok ni kotana, magargar dibaen Ho angka bentengna.

JESAYA 16:5

Dung i gabe raja ma sada sian pomparan ni si Daud, jana parentaonnia ma bangsonia marhite holong dohot burju ni rohana. Pajongjongonnia ma hatigoran jana ompotannia noma mambaen tindakan laho mambaen na tigor.)

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JESAYA 58:12

Kota na dung honok tarulang, bangunonmunu ma mangulahi di ginjang ni ojahan na lolot i. Tarbarita ma hamu songon sada bangso na mambangun mangulahi angka tembok dohot angka dalan na dung maronco anso hainganan mangulahi.”

JESAYA 63:11

Jadi gabe tarsunggul ma tu roha ni halahi hatiha narobian; hatiha ni si Musa, naposo ni Tuhan i. Marsapa ma halahi, “Di dia do Ia, na manogu-nogu angka pamimpinta mamolus laut? Di dia do Tuhan na mangalehen kuasoNia tu si Musa?

JESAYA 65:9

PasupasuonKu do halak Israel na sian Marga Juda. Pomparan ni halahi ma gabe nampuna tano pardolohanKu. Bangso na Hupili na mangoloi Au maringanan ma disi

JEREMIA 18:9

Alo ni i muse, muda Huputuskon laho pajongjongkon sanga patoguhon sada-sada bangso sanga harajaan,

JEREMIA 30:9

Mangoloi noma halahi tu Au Tuhan Debata ni halahi, dohot tu sada halak sian pomparan ni si Daud na giot angkatonKu gabe raja.

JEREMIA 46:26

pasahatonKu ma i tu si Nebukadnesar raja ni Babel dohot tu tentarana na giot mamatehon halahi. Tapi inganan ni halak do Mesir muse songon di hatiha na salpu. Au Tuhan, madung mandok songon i.”

ANDUNG 5:21

Ale Tuhan, oban ma hami mulak tu Ho; giot mulak do hami tu Ho! Pasuang ma hami songon di hatiha najolo.

JEHESKIEL 17:24

Botoon ni sude bona ni hayu na di luat i ma bahaso Au do Tuhan. Hayu na gincat Hutaba hayu na toruk Hubaen tubu gumincat. Hayu na rata Hubaen maradu hiang; jana hayu na mahiang Hulehen tunas dohot bungana. Au Tuhan, madung mandok hata, sude na Hudok i angkon tarlaksana.”

JEHESKIEL 36:11

TambaanKu ma halak dohot pahan-pahananmu, lopus bahat sajo, umbahat sian di mulana i, jana marpinompari halahi bahat-bahat. Dos ma halahi mangolu songon di mulana i jana sonang baenonKu songon na so unjung dihilala hamu. Jadi gabe botoon ni halahi ma Au do Tuhan.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

OBAJA 1:17

“Hape anggo di Dolok Sion, laing adong do na malua, jana gabe inganan hapunjunganKu ma dolok i. Jadi mulak ma pomparan ni si Jakob gabe tano pusako ni halahi ma i.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

MIKA 7:11

Ale Jerusalem! Madung dapot hatihana di hamu laho mambangun angka tembok ni kotamu mangulahi. Pabidangon ma di ari i tanomu.

MIKA 7:14

Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.

MIKA 7:8

Ulang ho marjop ni roha mida au, ale musungku! Angke haru pe madabu au, laing muli jongjong do au. Saonnari di na golap au, tapi sondangan ni Tuhan do au.

ZAKARIA 12:7

Parjolo-jolo lehenon ni Tuhan ma hamonangan tu tentara ni Juda, anso ulang sumurung hasangapan na nijagit ni pomparan ni si Daud dohot halak Jerusalem sian hasangapan na nijagit ni halak Juda na asing i.

ZAKARIA 14:10

Sandok luat mamungka sian Geba di Utara lopus tu Rimon di Selatan, gabe napa ma sudena i. Tapi anggo Jerusalem marsijongjong ma i diginjang adu i, gumincat sian tano na humaliang i; mabidang ma kota i mamungka sian Pintu Horbangan Benyamin lopus tu Pintu Horbangan Suhi-suhi, i ma inganan ni Pintu Horbangan na jolo dohot sian Menara Hananael lopus tu inganan pamoroan ni anggur nampuna ni raja i.

ZAKARIA 6:12

Palalu tusia na Hudok, Au Tuhan Na Markuaso mandok tusia, ‘Halak na margoar Tumbur i manjadi do karejonia sanga na di dia pe inganannia jana paulionnia ma mangulahi Bagas Ni Tuhan.

BILANGAN 24:18

Tano Edom gabe nampuna ni musuna, tapi halak Israel laing tontong do mangkarejohon karejo na marsahala.