AMOS 9:10 - BIBEL JAMITA NA DENGGAN

¹⁰ Hara ni podang angkon marmatean sude halak pardosa sian tonga-tonga ni bangsongKu na mandok: ‘Nada ro be parmaraan godang jana nada lalu tu hami.’ ”

AMOS 9:10 ပူးပေါင်းရင်းမြစ်များ

MASMUR 10:11

Ning rohania, “Debata madung lupa, nada diparrohahon ia; jana nada idaonNia ro di salolotna.”

PARJAMITA 8:11

Biasi songon i momona halak mambaen hajahatan? Hara ni na so manigor do dilehen uhuman.

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

JESAYA 5:19

Didok hamu, “Haru diompoti Tuhan Debata Na Badia ni Israel i ma nian patuluskon sangkapNia i anso taboto sanga aha maksudNia.”

JESAYA 56:12

“Tole, minum anggur ma hita, jana tagogoi be ma na minum on! Tumabo dope ancogot ulang pado sadari on!”

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEREMIA 23:17

Tu angka halak na so ra manangihon hata na Hudok sai didokkon halahi do, ‘Malua do hamu.’ Jana tu ganop halak sijogal roha, didok halahi do, ‘Nada pola marmara ho.’ ”

JEHESKIEL 20:38

PaorotonKu ma sian tonga-tongamunu angka halak pangalo dohot parjahat. ObanonKu halahi haruar sian inganan ni halahi saonnari jana nada paloasonKu mulak tu tano Israel. Jadi gabe botoonmunu ma bahaso Au do Tuhan.”

AMOS 6:1

Marjaya ma hamu na sonang mangolu di Sion, dohot hamu na aman pangkilalaanna di Samaria – hamu angka panangian ni masarakat ni bangso Israel na godang on, hamu angka na somal ditopot-topot rayat.

AMOS 6:3

Laing gogo rohamunu mandok na honok dope ari hamamago i, hape angka parbuatanmunu i do patibuhon haroro ni ari i.

AMOS 9:8

Satutuna, madung dipamanat Tuhan Debata harajaan na mardosa on, jana agohononKu noma i sian sisik ni tano on. Tapi anggo pomparan ni si Jakob nada sude abiskononKu. Au Tuhan Debata madung mandok songon i.

MIKA 3:11

Anso dapotan hepeng sogok do umbaen na mamarenta angka parkuaso ni kota, angka malim mangajarkon Uhum Ni Tuhan anso dapotan gaji, marjamita angka panurirang anso dapotan hepeng – dung i diambang halahi ma di pihak ni halahi Tuhan i. Didok halahi ma, “Di tonga-tonganta do Tuhan; nada pola ro parmaraan tu hita.”

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

MALEAKI 3:15

Hara ni i do hita dokkon bahaso marsonang-sonang do angka halak na jungkat, angka na jahat, salang Debata pe diuji halahi do, tapi laing malua do halahi sian jaya.”

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.