Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AMOS 9:1 - BIBEL JAMITA NA DENGGAN

1 Huida ma Tuhan jongjong di lambung ni sada langgatan. Dilehen Ia ma parenta songon on, “Toko ma gogo-gogo angka ulu ni tiang i anso humutur sude emperna i. Rumpakkon angka tiang i tu ginjang ni ulu ni angka jolma i. Angka na so mate disi, Hubunu marhite podang. Sahalak pe nada tarbaen paluahon dirina; sahalak pe nada adong na malua.

အခန်းကိုကြည့်ပါ။ ကော်ပီ




AMOS 9:1
28 ပူးပေါင်းရင်းမြစ်များ  

Didok si Mika ma mangulahi, “Saonnari tangihon ma jolo na nidok ni Tuhan! Huida do Tuhan juguk di ginjang ni habangsaNa di banua ginjang, jana marjongjongan angka surusuruanNa di lambungNia.


Satutuna ropuhan ni Debata do ulu ni musuNia, i ma ulu ni halak na laing hot mangolu di bagasan dosa.


Didok Tuhan, “Hamu bangsongKu, Huoban do musumu sian Basan, Huoban mangulahi halahi sian tandolan ni lautan,


Hape so ra hamu! Mur mambaen tahi do hamu laho maporus sian musumunu manengget kudo na hipas, marlojong do hamu tutu jana mago. Didok hamu muse do, “Giot tenggetonnami do kuda na gogo,” hape gumogo dope angka na mangkojar hamu.


Di taon hamamate ni Raja Usia, huida ma Tuhan. Juguk do Ia di ginjang ni habangsaNia na gincat jana marmulia. Digohi ujung ni jubaNia i do Bagas Na Badia i.


Patunda ni i, Au Tuhan, madung Hupaingot bahaso na giot paroonKu hamamago tu halahi, jana nada tarbaen halahi pasidingkonsa. Muda pio-pio halahi mangido tolong tu Au, nada ra Au manangihonsa.


“Ayak-ayakon ni porang dohot tangkuraparon na nihabiaranmunu i ma hamu lalu tu Mesir jana mate ma hamu disi.


Halak na malua sian ogor-ogor madabu ma i tu bagasan lubang, jana halak na haruar sian lubang i, alit muse ma i baenon ni jorat. Tarjadi do sudena i hara ni na dung Hutontuhon hatihana laho mangaroncohon Moab.


jana marrupa-rupa songon halibutongan. I ma da hatiuran na marhillong na patuduhon haroro ni Tuhan.


Dung i manaek ma hamuliaon ni Tuhan sian gincat ni kerub i jana kehe tu gincat ni pintu Bagas Na Badia, gabe gok ombun ma Bagas Na Badia i, jana alamanna pe sun disondangi hamuliaon ni Tuhan.


Au sandiri angkon mangalo halahi. Haru pe malua halahi sian api, tapi panganon ni api i do halahi. Jadi botoonmunu ma bahaso Au do Tuhan hatiha Hualo halahi.


Rap ruar ma onom halak sian ruar ni horbangan Utara ni Bagas Ni Tuhan i, marsioban sinjatana be. Rap dohot halahi adong muse halak na marpakean linen na maroban parkokas ni panyurat. Masuk ma halahi jana jongjong di lambung ni langgatan na sian tumbaga i.


Di ari i di na manguhum Au tu halak Israel hara ni dosana, sarsarkononKu ma angka langgatan na adong di Betel. Ponggolkonon ma sude ujung ni angka langgatan i, anso dabu sude tu tano.


didok Tuhan do, gabe panggampang noma dadaborumi di angka dalan ni kota, jana angka dakdanakmu hona bunu di bagasan porang. Bagi-bagion noma tanomi tu halak na asing, jana ho sandiri mate di tano ni halak sileban noma na so mananda Tuhan. Angkon boanon ma halak Israel tu habuangan dao sian tanona sandiri.”


Sarsarkonon noma angka inganan na nipake ni pomparan ni si Ishak laho marsomba angka debata. Rumpakkonon ma angka inganan paribadatan ni halak Israel. AbiskononKu ma pomparan ni si Jerobeam.”


Mardalan ma Ho tu jolo laho paluahon bangsoMi dohot mambaen malua raja na nitodoMi. Dipukul Ho do dabu pamimpin ni halak na so hasaya, dihais Ho sude na mangihut tusia.


Di hatiha i buatonKu ma obor jana galedaonKu ma kota Jerusalem. UhumanKu ma halak na disi na marpos ni roha jana puas dibaen dirina sandiri, jana na mandok di bagasan rohana, na so jungada sanga aha dibaen Tuhan na denggan sanga na jat.


Gabe inganan parpunguan ni binatang ma kota i. Modom-modom ma disi nasa ragam ni binatang harangan. Angka lali dohot barung pe marborngin ma di ginjang ni angka tiangna. Mangkuling ma si pauk sian jandela jana unggas gawak mangkuling di ginjang ni pintu. Madung disegoi sude parhayu ares.


Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.


Songon on ma hasaksian na nilehen ni si Johannes taringot tuSia, “Huida ma Tondi i mijur songon darapati sian langit lalu songgop tuSia.


Jadi di tonga dalan i hira-hira kotu ma hatiha i, ale rajanami, huida ma sada sinondang sian langit, tumorang dope sian sinondang ni mataniari humaliang au dohot humaliang dongan-donganki na mardalan rap dohot au.


“Gulang hamu ma batu na godang-godang tu baba ni liang i jana dibaen pangawal manjagoi disi,” ning si Josua,


Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.


Ro ma sada surusuruan na asing na maroban pardupaan sere, jongjong di jolo ni meja inganan ni haul i. Madung dilehen tusia bahat sajo hamonyan sibaenon tu angka tangiang ni sudena halak na badia jana sihaulkonon di meja parhaulan na adong ni jolo ni habangsa i.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ