AMOS 8:5 - BIBEL JAMITA NA DENGGAN

⁵ Didok hamu tu dirimunu sandiri, “Na lolot ma so sidung ari pesta. Sai giot gadisonta tibu angka gandumta, hape laing so marnasidung do pesta i. Andigan dope sidung Ari Sabat, anso tarbaen mangulahi marjagal? Ma por rohanta mangakal-akali, mangicu dohot parsuhatan, jana mambuat dohot timbangan.

AMOS 8:5 ပူးပေါင်းရင်းမြစ်များ

2 RAJA-RAJA 4:23

“Biasi ingkon sai saonnari ho kehe?” ning halaklahinia i manyapai. “Nada Ari Sabat da sadari on, jana nada Ari Pesta Bulan Na Imbaru.” “Nada pola na bia,” ning ia.

HARURUAR 31:13

paboahon tu bangso Israel, “Pagodang hamu ma Ari Sabat i, ari na dung Hutotopkon songon Ari Paradianan. Ari i ma na gabe tanda ni parjanjianKu dohot hamu ro di pinomparmunu, anso diboto hamu, Au do Tuhan na mambaen hamu gabe bangsongKu sandiri.

PODA 11:1

Goyak do roha ni Tuhan di halak na mamake timbangan na geduk; tapi di timbangan na jujur do rohaNia sonang.

PODA 16:11

Giot ni Tuhan ulang so jujur halak di boniagana, songon i di na mamake ukuran dohot timbangan.

PODA 20:23

Nada dihalomohon Tuhan na mangicu di kiloan dohot batu ni timbangan.

JESAYA 1:13

Parcuma do diparobani hamu haul i sude. Gialan Au manganggo uap ni hamonyan na nitutungmunu i. Goyak rohangKu jana magigi Au paida-ida hamu manghagodangkon Bulan Na Imbaru, angka Ari Sabat dohot angka ari pesta maradu sude angka parlagutan parugamoan. Sude do i dipahodar hamu dohot angka dosamunu jana gabe boban sitanggunganKu; maloja Au mamorsan i.

JESAYA 58:13

“Muda nada didege-dege hamu aturan ni Sabat jana nada dikarejohon hamu siurusonmunu di aringKu na badia i, muda didok hamu Ari Sabat i ari na marhasonangan, jana ari na badia ni Tuhan i ari na marmulia; muda dipasangap hamu ari i marhite na so mangkarejohon karejomunu dohot na so mambaen urusanmu sanga na marhata na rumar,

HOSEA 12:7

Hara ni i, ale hamu pomparan ni si Jakob, haporsayai hamu ma Debatamunu i jana mulak ma hamu tuSia. Gok holong ni roha dohot hatigoran ma ngolumunu, jana sobar ma hamu paintehon lopus tulus i dibaen Debatamunu.

HOSEA 12:8

Didok Tuhan ma tu bangso Israel, “Geduk do hamu songon halak Kanaan; mangicu do angka parboniaga sian hamu tu langgananna marhite timbangan na so tutu.

HAMALIMON 19:36

Meter, timbangan bope takaran na tigor do pakeonmu. Au do Tuhan Debatamu, jana madung Huoban hamu haruar sian Mesir.

ZAKARIA 5:6

“Aha do i?” ningku manyapai. “Sada karanjang,” ning ia mangalusi. “I ma gambaran ni dosa sian sude tano on.”

ZAKARIA 5:8

Didok surusuruan i ma, “Manggambarkon hajahatan do anak boru on.” Lalu dionjarkon ia anak boru i mangulahi tu bagasan karanjang i jana ditutupkon ia.

MALEAKI 1:13

Jana didok hamu do, “Ligi ma, maol na i!” Jana susa do Au dibaen hamu, ninna Tuhan Na Markuaso i, jana dihaulkon hamu do na ditangko, na onyangon, sanga na marnyae baen sihaulkonon tu Au. Sai jop ma he rohangKu manjagit i sian tanganmu? ninna Tuhan.

BILANGAN 10:10

Bope di angka ari sijop ni rohamunu, i ma di angka Pesta Bulan Na Baru, dohot pesta-pesta ugamo na asing i, angkon paluonmunu do sarune i dompak manghaulkon haul situtungon dohot haul haluaan tu Au, dung i urupanKu ma hamu, angke Au do Tuhan Debatamu.”

KOLOSSE 2:16

Jadi hara ni i, ulang ma padiar hamu digorahon halak hamu hara ni sipanganon sanga siinumon sanga hara ni ari pesta ni ugamo, sanga angka pesta poltak ni bulan sanga pe hara ni Ari Sabat.

1 SAMUEL 20:5

Dialusi si Daud ma, “Ancogot Pesta Bulan Na Imbaru, jana somalna angkon rap mangan do au dohot raja i. Antong muda diloas ho do, kehe ma au anggo songon i martabuni di halongonan lopus tu haduan andospotang.